ល្បីថាតារាប្រុស Wei Da Xun មកផ្ទះ Yang Mi ទាំងកណ្តាលយប់

2021-01-25 02:40:00
ចំនួនមតិ 0 | ចំនួនចែករំលែក 0

ក្រោយស្ងប់ស្ងាត់អស់មួយរយៈពេល រឿងអាស្រូវស្នេហារវាងកំពូលតារាសម្ដែងស្រីចិន Yang Mi និង Wei Da Xun ស្រាប់តែផ្ទុះឡើងវិញ ដោយលើកនេះគេចាប់បានផ្ទាល់តែម្ដង។

កាលពីព្រឹកថ្ងៃទី ២៣ ខែមករាកន្លងទៅនេះ បណ្ដាញព័ត៌មាន Sina បានធ្វើឲ្យផ្អើលអស់គេឯងនៅពេលប្រភពមួយនេះ បានរាយការណ៍ថា តារាសម្ដែងលំដាប់ A ចិន Yang Mi ព្រមជាមួយសង្សារវ័យក្មេងដែលជាតារាសម្ដែងប្រុស Wei Da Xun បានរើមកនៅផ្ទះជាមួយគ្នាហើយ។

ជាក់ស្ដែង នៅយប់ថ្ងៃទី ២២ ខែមករា ប្រុសស្អាត ៣១ឆ្នាំ មានការងារត្រូវថតនៅទីក្រុងប៉េកាំង និងបានបញ្ចប់នៅម៉ោង៧យប់។ ក្រោយពេលចប់ការងារ ប្រុសស្អាតរូបនេះ លាក្រុមការងារទៅផ្ទះ តែជំនួសឲ្យការត្រលប់ទៅផ្ទះខ្លួនឯង គឺលោកតម្រង់ត្រង់ទៅផ្ទះរបស់តួរឿង និស្ស័យស្នេហ៍ទេវតាបីជាតិតែម្ដង។ ដើម្បីកុំឲ្យគេចាប់អារម្មណ៍ លោកបានចុះដើរតាមផ្លូវតូច ដោយមិនបានជិះឡានតាមច្រកធំនោះឡើយ។

Sina បានឲ្យដឹងថា ផ្ទះរបស់ប្រុសស្អាតកើតឆ្នាំ ១៩៨៩ រំលងផ្ទះរបស់អ្នកម្ដាយកូន១ តែមួយផ្លូវប៉ុណ្ណោះ។ ការដែលលោកមិនទៅផ្ទះរបស់ខ្លួន ហើយមកនៅខុនដូរបស់មិត្តស្រីបែបនេះ មានន័យថា ពួកគេបានរើចូលនៅផ្ទះជាមួយគ្នាហើយ។ នៅលើបណ្ដាញសង្គម មនុស្សជាច្រើនបានបញ្ចេញមតិថា តាមការពិតពួកគេដឹងថា តារាល្បីឈ្មោះទាំង២ស្រលាញ់គ្នាយូរហើយ តែដោយសារតែសាមីខ្លួនផ្ទាល់មិនចង់ទទួលស្គាល់ ដូចនេះហើយអ្នកគាំទ្រក៏មិនចង់ដេញដោលច្រើនដែរ។ គួរបញ្ជាក់ផងដែរថា Yang Mi មានអាយុបង Wei Daxun ៣ឆ្នាំ តែនាងមានវ័យក្នុងសិល្បៈច្រើនជាងលោក១០ឆ្នាំ។

កាលពីខែសីហា ឆ្នាំ២០១៩ Sina បានរាយការណ៍ថា អ្នកទាំង២ចាប់ផ្ដើមមានមនោសញ្ចេតនានឹងគ្នា ដោយនៅពេល Yang Mi ទៅថតរឿងហើយត្រូវនៅសណ្ឋាគារនោះ ប្រុសស្អាតរូបនេះបានទៅមើលថែដល់សណ្ឋាគារ៕