មានទាំងផ្កា មានទាំងតុក្កតា បុរសម្នាក់នៅតែត្រូវបដិសេធកណ្ដាលមុខពេលសុំស្រលាញ់គេ

2021-01-08 02:40:00
ចំនួនមតិ 0 | ចំនួនចែករំលែក 0

វីដេអូឃ្លីបមួយនៅប្រទេសវៀតណាមបានធ្វើឲ្យមនុស្សជាច្រើនសម្ដែងការអាណិតដល់បុរសមួយរូបក្រោយពេលលោកត្រូវបាននារីម្នាក់បដិសេធ ទោះលោកបានយកផ្កា និងតុក្កតាដល់កន្លែងរបស់នាងហើយក្ដី។

ការសារភាពនៅទីសាធារណៈប្រៀបដូចជាល្បែងដ៏ប្រថុយមួយក្តារ ដោយប្រសិនបើអ្នកសារភាពជោគជ័យ មនុស្សជាច្រើននឹងជូនពរអ្នក។ ផ្ទុយមកវិញ បើសារភាពបរាជ័យ អ្នកនឹងទទួលបានភាពអៀនខ្មាសមិនតិចឡើយ។

ជាក់ស្ដែង មុននេះបន្តិច បុរសម្នាក់ឈ្មោះ P.H មកពីទីក្រុងហូជីមិញបានទិញផ្កា និងតុក្កតាយកមកសាកលវិទ្យាល័យមនុស្សស្រីដែលខ្លួនស្រលាញ់។ តាមនោះដែរ នារីខាងលើគឺជានិស្សិតឆ្នាំទី២ម្នាក់។ ឈរមួយសន្ទុះយូរ ចុងបញ្ចប់ខាងស្រីក៏ចេញមក ហើយលោកខាងលើក៏សារភាពថាស្រលាញ់នាង។ តែជំនួសមកវិញ ខាងស្រីបានត្រឹមកាន់ដៃ ហើយឱនក្បាល បន្ទាប់មកក៏ដើរចេញទៅ។

ក្រោយពេលឃ្លីបខាងលើត្រូវបានចែកចាយមនុស្សជាច្រើនបានសម្ដែងក្ដីអាណិតចំពោះបុរសខាងលើជាពន់ពេក៕

ប្រភព៖ yan.vn ប្រែសម្រួល៖ Caramel