វាសនាមានក្រ អភ័ព្វឬល្អ អាចដឹងតាមសណ្ឋានធ្មេញ
- 2020-12-25 04:00:00
- ចំនួនមតិ 0 | ចំនួនចែករំលែក 0
វាសនាមានក្រ អភ័ព្វឬល្អ អាចដឹងតាមសណ្ឋានធ្មេញ
ធ្មេញស្អាត ព្រមទាំងស្នាមញញឹមស្រស់មិនត្រឹមតែជួយលើកសម្រស់មនុស្សគ្រប់រូបនោះទេ បើគិតតាមក្បួនហុងស៊ុយ វាក៏អាចម៉ិមើលពីព្រេងវាសនាមនុស្សផងដែរ។ ខាងក្រោមនេះគឺជាការទស្សន៍ទាយព្រេងវាសនាតាមរយៈសណ្ឋានធ្មេញផ្សេងៗ។
១. ធ្មេញចង្កូមលយចេញមកមុខ
ជាមនុស្សមោះមុត ធ្វើអ្វីក៏បានសម្រេច។ ក្នុងជីវិតងាយទទួលបានភាពជោគជ័យ ជួយយកអស្សាអ្នកនៅក្នុងគ្រួសារ។
២. ធ្មេញជំពើស
ជាមនុស្សស្មោះត្រង់ មានចិត្តសប្បុរស ធ្វើអ្វីក៏ប្រឹងឲ្យអស់ពីសមត្ថភាព តែជីវិតជួបការលំបាកច្រើន។ បើអ្នកព្យាយាម ក្រោយអាយុ៣០ទើបរាងគ្រាន់បើ។ បើអ្នកខ្ជិលច្រអូន តែងស្រណុកមុន ពិបាកក្រោយ។
៣. ធ្មេញជាប់គ្នា
សម្រាប់មនុស្សស្រីដែលមានធ្មេញតូច ជាប់គ្នាបានល្អ ជាមនុស្សពូកែការងារផ្ទះ។ សម្រាប់មនុស្សប្រុសវិញ ជាអ្នកមានមន្តស្នេហ៍ខ្លាំង មានស្រីតាមចោមរោមច្រើន។
៤. ធ្មេញលយចេញមកមុខ
អ្នកមានធ្មេញលយចេញមកមុខ មានចិត្តគំនិតមិនសូវល្អ ចូលចិត្តឈ្លោះប្រកែក និងឈ្នានីសអ្នកដទៃ ថែមទាំងឆាប់ខឹង ពិបាកនិយាយគ្នា។ ដោយហេតុនេះដែរ ពួកគេមិនសូវជួបរឿងសំណាងក្នុងជីវិតឡើយ។
៥. ធ្មេញមុខធំ ហើយជ្រុង
នេះគឺជាអ្នកមានបុណ្យ ទោះបីជាពិបាក ក៏មិនយូរគង់ស្រណុកវិញ។ តែងមានលាភធ្លាក់ពីលើមេឃឲ្យជារឿយៗ។ បើមិនខ្ជះខ្ជាយ ហើយចេះរៀបចំទុកដាក់ទៀតនោះ នឹងងាយក្លាយជាអ្នកមាន។
៦. ធេ្មញដុះមិនស្មើគ្នា
ជាមនុស្សដែលតែងខ្វះលុយមុខក្រោយ មិនចេះទុកដាក់លុយ និងរៀបចំគ្រួសារ។ មិនសូវខ្វល់ច្រើន រស់មួយថ្ងៃ គិតមួយថ្ងៃ។
៧. ធ្មេញចន្លោះៗ
អ្នកមានធ្មេញឃ្លាតពីគ្នា តែងរករឿងមិនល្អមកដាក់ជាប់ខ្លួន។ កាលនៅក្មេងជួបឧបសគ្គច្រើន ដល់ពេលចាស់ទៅ ក៏មិនទាន់បានស្រណុកនឹងគេ។
៨. សើចចេញអញ្ចាញ
ជាមនុស្សពូកែប្រចណ្ឌ និយាយមិនសូវចេះគិត ធ្វើឲ្យអ្នកនៅជុំវិញមិនសូវចូលចិត្ត។ តែដល់ពេលនៅយូរទើបដឹងថា គេជាមនុស្សមានចិត្តគំនិតល្អ យកចិត្តទុកដាក់នឹងអ្នកដទៃ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
