ស្បែកជើង៣ម៉ូដ ដែលមនុស្សស្រីទាបមិនគួរពាក់ ព្រោះកាន់តែពាក់ កាន់តែឃើញតឿ

2020-11-25 01:50:00
ចំនួនមតិ 0 | ចំនួនចែករំលែក 0

ចំពោះមនុស្សស្រី ជាពិសេសមនុស្សស្រីដែលមានកម្ពស់ទាប ការរើសស្បែកជើងគឺពិបាកខ្លាំង។ បើរើសស្បែកជើងមិនត្រូវនោះទេ អាចធ្វើឲ្យអ្នកមើលទៅកាន់តែទាបជាងមុនទៅទៀត។ ខាងក្រោមនេះគឺជាស្បែកជើង៣ម៉ូដដែលអ្នកមនុស្សស្រីមានកម្ពស់មិនសូវខ្ពស់គួរជៀសចេញឲ្យឆ្ងាយ។

១. ស្បែកជើងមានកែងជ្រុង

ម៉ូតស្បែកជើងកែងជ្រុង នឹងធ្វើឲ្យអ្នកមើលទៅមាឌធំជាងមុន ដែលជាហេតុធ្វើឲ្យអ្នកដែលមានកម្ពស់ទាប មើលទៅកាន់តែទាបជាងមុនទៅទៀត។ សម្រាប់អ្នកដែលមានកម្ពស់ទាប ហើយរាងមិនសូវស្គមនោះ នេះគឺជាម៉ូដស្បែកជើងដែលគួរជៀសវាងបំផុត ព្រោះវាមិនត្រឹមតែមិនជួយលើកសម្រស់អ្នកនោះទេ គឺធ្វើឲ្យអ្នកកាន់តែតឿជាងមុនទៅទៀត។

២. ស្បែកជើង boot កវែង

សម្រាប់អ្នកដែលមានកម្ពស់មិនអំណោយផលហើយពាក់ស្បែកជើង boot វែងលើជង្គង់នោះ គឺមើលខ្លួនឯងសឹងតែមិនឃើញតែម្ដង។ ត្បិតម៉ូដស្បែកជើងនេះគឺសម្រិតសម្រាំងឡើងសម្រាប់អ្នកដែលមានរាងខ្ពស់ស្ដើង។ អ្នកដែលមានកម្ពស់មិនសូវបាន ហើយពាក់ស្បែកជើងនេះ ងាយធ្វើឲ្យឃើញជើងធំ និងទាបជាងមុនថែមមួយកម្រិតទៀត។

៣. ស្បែកជើង sneaker ខ្នាតធំ

ស្បែកជើង sneaker គឺងាយស្រួលពាក់ជាទីបំផុត ដោយស្បែកជើងប្រភេទនេះ អាចពាក់បានក្នុងឱកាសច្រើន ហើយនេះក៏ជាជម្រើសទី១របស់មិត្តៗនារីជាច្រើនផងដែរ មិនថាកន្លែងធ្វើការ ឬដើរលេងនោះទេ។ យ៉ាងណាក្ដី បើអ្នកមានកម្ពស់ទាប ហើយរើស sneaker ដែលមានទំហំធំពេកនោះ នឹងធ្វើឲ្យអ្នកមើលទៅឃើញតែមួយកំណាត់ខ្លួន ហើយធំមួយកំណាត់ក្រោម តូចមួយកំណាត់លើ មិនសមាមាត្រគ្នា៕