រកបានមួយ ក្នុងមួយលានហើយ ព្រោះសង្សារអនឡាញនៅខាងក្រៅ ស្អាតជាងក្នុងរូបទៀត
- 2020-09-23 01:50:00
- ចំនួនមតិ 0 | ចំនួនចែករំលែក 0
រកបានមួយ ក្នុងមួយលានហើយ ព្រោះសង្សារអនឡាញនៅខាងក្រៅ ស្អាតជាងក្នុងរូបទៀត
គ្រាន់តែបានដឹងរឿងមនោសញ្ចេតនានេះភ្លាម មនុស្សស្រីជាច្រើនចាប់ផ្ដើមមានកម្លាំងចិត្តឡើងវិញសម្រាប់រឿងស្រលាញ់គ្នាតាមអ៊ីនធឺណិតភ្លែត។
នៅក្នុងយុគសម័យដែលគ្រប់គ្នាសុទ្ធតែអាចស្អាតជាងមុនដោយកម្មវិធីកាត់តរូបភាពតាមទូរសព្ទនោះ មនុស្សមិនតិចឡើយ មិនថាប្រុស ឬស្រីសុទ្ធសឹងតែធ្លាប់ត្រូវបានខកចិត្តទាំងអស់ដោយរូបភាពសង្សារអនឡាញរបស់ខ្លួន នៅក្នុង និងនៅក្រៅខុសគ្នាស្រឡះ។
ដោយមនុស្សមួយចំនួនក៏បែកគ្នាស្ងាត់ៗទៅ ឯខ្លះទៀតក៏បង្ហោះហែកហួងគ្នា ព្រោះខឹងពេកទប់មិនជាប់។ អាស្រ័យហេតុនេះ រកបានសង្សារដែលស្អាតដូចក្នុងរូបចាត់ទុកថាជាសំណាងមួយ ក្នុងចំណោមួយរយ។ យ៉ាងណាក្ដី មុននេះបន្តិច នារីម្នាក់មកពីខេត្ត Shen Zhen ប្រទេសចិន ឈ្មោះ Xiao Bao ត្រូវបានគេចាត់ទុកថាជាសំណាងមួយក្នុងចំណោមមួយលាន ត្បិតសង្សារអនឡាញរបស់នាង មិនត្រឹមតែដូចនៅក្នុងរូបនោះទេ គឺស្អាតជាងទៅទៀត។
ជាក់ស្ដែង អ្នកទាំង២ស្គាល់គ្នាតាមកម្មវិធី Dating អនឡាញមួយ ហើយក៏មានចំណាប់អារម្មណ៍នឹងគ្នា។ ដើមឡើយ Xiao Bao ឃើញសង្សារខ្លួនមានរូបស្អាត តែមិនហ៊ានរំពឹងឡើយ ត្បិតមិត្តនាងធ្លាប់ត្រូវខកចិត្តរួចទៅហើយ ត្បិតរូបរាងខាងក្រៅ និងខាងក្នុងដូចមនុស្ស២ផ្សេងគ្នា។
យ៉ាងណាក្ដី នាងស្ទើរមិនជឿនឹងភ្នែកខ្លួនឯង ព្រោះថ្ងៃណាត់ដំបូង សង្សារអនឡាញរបស់នាងស្អាតជាងក្នុងរូបទៅទៀត ដែលធ្វើឲ្យនាងមើលសឹងមិនស្គាល់។ យ៉ាងណាក្ដី មនុស្សជាច្រើនបានលើកឡើងថា ទោះមិត្តប្រុសរបស់ Xiao Bao សង្ហារមែនពិត តែនាងក៏ស្អាតមិនចាញ់គេប៉ុន្មានដែរ ដូចនេះអ្នកទាំង២សមគ្នាហើយ៕