បណ្ដេញជាតិពុលជួយឲ្យស្បែកសស៊ីជម្ពូ ទឹកទំពាំងបាយជូក្រៀម លាយទឹកឃ្មុំជួយបាន

2020-07-07 09:15:00
ចំនួនមតិ 0 | ចំនួនចែករំលែក 0

បើចង់ឲ្យស្បែកមានសំណើម រាងកាយមនុស្សត្រូវតែផ្គត់ផ្គង់ឲ្យគ្រប់ជាតិទឹក។ តែបើចង់ឲ្យស្បែកស្រស់ថ្លា អ្នកត្រូវតែបណ្ដេញជាតិពុលចេញពីខ្លួនសិន។ រូបមន្តភេសជ្ជៈខាងក្រោមអាចជួយឲ្យស្បែកអ្នកស្អាតជាងមុន ដោយមិនចាំបាច់ចំណាយលុយច្រើន។

១. ទឹកទំពាំងបាយជូក្រៀម

ទឹកទំពាំងបាយជូត្រូវបានគេរកឃើញថា អាចទប់ស្កាត់ភាពចាស់ជរាបានយ៉ាងឆាប់រហ័ស។ ទន្ទឹមនឹងនោះ ប្រភេទភេសជ្ជៈនេះអាចជួយឲ្យឈាមដើរបានស្រួល ជួយឲ្យស្បែកបានស្រស់ថ្លា បែបស៊ីជម្ពូ។ ប្រភេទទឹកនេះនឹងមានប្រសិទ្ធិភាពបំផុតប្រសិនបើអ្នកទទួលទាននៅពេលព្រឹក មុនពេលញ៉ាំអាហារពេលព្រឹក។ វិធីធ្វើ៖ យកទំពាំងបាយជូក្រៀម ដាំជាមួយទឹកពុះ ហើយយកទុករហូតដល់ទឹកនៅអ៊ុនៗ គឺជាការស្រេច។ ផឹកទាំងទឹក និងកាកទំពាំងបាយជូ។

២. ទឹករមៀតទឹកឃ្មុំ

ទឹករមៀតទឹកឃ្មុំ មិនត្រឹមតែជួយឲ្យស្បែកភ្លឺជាងមុន វាក៏ជួយឲ្យសម្រកទម្ងន់ និងធ្វើឲ្យស្រកខ្លាញ់ក្បាលពោះយ៉ាងលឿន។ វិធីធ្វើប្រភេទទឹកនេះគឺងាយស្រួលបំផុត ដោយអ្នកគ្រាន់តែលាយម្សៅរមៀតមួយស្លាបព្រាបាយជាមួយទឹកក្ដៅ ៦០-៧០អង្សារ ២៥០មល និងចុងបញ្ចប់ថែមទឹកឃ្មុំមួយស្លាបព្រាកាហ្វេជាការស្រេច។ អ្នកគួរបរិភោគភ្លាមៗ ក្រោយពេលធ្វើដើម្បីទទួលបានលទ្ធផលអតិបរិមា។

៣. ទឹកក្រូចឆ្មា

ប្រភេទភេសជ្ជៈដែលបញ្ចេញជាតិពុលងាយស្រួលធ្វើបំផុតនោះគឺ ក្រូចឆ្មាលាយជាមួយទឹកសុទ្ធ។ ដោយអ្នកគ្រាន់តែផឹកទឹកមួយកែវ លាយក្រូចឆ្មាមួយចំណិតនៅពេលព្រឹកមុនពេលបាយ ជារៀងរាល់ថ្ងៃក្នុង១សប្ដាហ៍ ជាតិពុលនៅក្នុងរាងកាយអាចនឹងបញ្ចេញបានទាំងអស់។ យ៉ាងណាក្ដី ដោយសារតែនៅក្នុងក្រូចឆ្មាមានជាតិពុលច្រើន ដូចនេះផឹកហើយ ក្រោយ១០នាទី អ្នកត្រូវទទួលទានអាហារពេលព្រឹកភ្លាម៕