បើជ្រុលជាត្រូវលះបង់ហើយ សូមលះបង់ឲ្យចំមនុស្ស កុំឲ្យខាត
- 2020-04-07 01:45:00
- ចំនួនមតិ 0 | ចំនួនចែករំលែក 0
បើជ្រុលជាត្រូវលះបង់ហើយ សូមលះបង់ឲ្យចំមនុស្ស កុំឲ្យខាត
មនុស្សស្រីលះបង់គឺមិនខុសទេ ខុសត្រង់លះបង់ខុសមនុស្ស ចំមនុស្សដែលមិនស័ក្ដិសម។ តើអ្នកមានធ្លាប់សួរខ្លួនឯងទេថា៖ គេស័ក្ដិសមនឹងការលះបង់របស់យើងឬអត់?
សម្រាប់មនុស្សស្រី ឫសគល់នៃសុភមង្គលគឺគ្មានអ្វីក្រៅពីគ្រួសារ ប្ដី និងកូននោះឡើយ។ ដើម្បីគ្រួសារ មនុស្សស្រីមិនតិចឡើយហ៊ានលះបង់នូវ ការឡើងតំណែង យុវភាព ក៏ដូចជាសម្រស់ដើម្បីចំណាយពេលមើលថែទាំសំបុករបស់ខ្លួន។ សុភមង្គលសម្រាប់អ្នកខ្លះគឺសុភមង្គលជារឿងសាមញ្ញបំផុតដូចជា បាយល្ងាចជុំគ្នាមួយពេល ស្ដាប់ប្ដីនិយាយពីរឿងក្នុងថ្ងៃដែលបានកើតឡើងនៅកន្លែងធ្វើការ។
ឆាកជីវិតប្រគល់ឲ្យមនុស្សស្រីជំរើសច្រើន គ្មានអ្វីចម្លែកឡើយនៅពេលនាងបោះចោលទាំងអស់ ហើយជ្រើសយកមនោសញ្ចេតនា ហើយរស់ដើម្បីប្ដី ដើម្បីគ្រួសារ។ ប៉ុន្តែសួរថាមានប៉ុន្មាននាក់ ដែលទទួលមកវិញក្រោយពេលខ្លួនឯងលះបង់នោះ? ក៏ព្រោះតែដោយសារគេជ្រើសផ្លូវខុស លះបង់មិនចំមនុស្សដែលស័ក្ដិសមនឹងការលះបង់ទាំងនោះ។
មានអ្វីឈឺចាប់ជាងនៅពេលដើរអស់ពាក់កណ្ដាលផ្លូវហើយដឹងថា ខ្លួនដើរតែម្នាក់ឯងនោះ។ ខ្លួនឯងបានត្រឹមតែឲ្យគេ តែគ្មានការទទួលមកវិញ។ ទុក្ខដែលខ្លួនរង មានតែយើងដឹង យើងឮ។ អ្វីដែលយើងគិតថាមានតម្លៃ សម្រាប់គេបែរជាគ្មានអ្វីសោះ ហើយតាមការពិត មានយើងក៏បាន អត់យើងក៏បាន។
មនុស្សស្រីពួកយើង កម្រសួរខ្លួនឯងខ្លាំងណាស់ថា ការលះបង់ទាំងនេះស័ក្ដិសម ឬអត់ដោយគ្រាន់តែគិតសាមញ្ញថា ឲ្យតែធ្វើអស់ពីចិត្ត នឹងទទួលបានផលវិញ ទាំងការពិតគឺទទួលមកវិញត្រឹមលេខសូន្យ។ ស្នេហាគឺចេញពីបេះដូង តែបើចង់បានស្នេហាពេញលេញដើរជាមួយគ្នាយូរអង្វែង ក៏ត្រូវប្រើខួរក្បាលផងដែរ៕
អានបន្ត៖ ក្នុងកែវភ្នែករបស់ស្វាមី ភរិយាគួរធ្វើរឿង៣យ៉ាង ហើយចៀសវាង៤យ៉ាងនេះដាច់ខាត