ឆ្លងឆ្នាំមិនចង់ទៅណាឆ្ងាយ អាចមកលេងកន្លែងនេះបាន
- 2018-12-13 04:30:00
- ចំនួនមតិ 0 | ចំនួនចែករំលែក 0
ឆ្លងឆ្នាំមិនចង់ទៅណាឆ្ងាយ អាចមកលេងកន្លែងនេះបាន
រមណីដ្ឋានថ្មីមួយកន្លែងដែលទើបតែបើកដំណើរការ ឈ្មោះថា ភូមិដំណាក់ដំរី មានទីតាំងស្ថិតនៅក្នុង ភូមិ៣ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ក្បែរជើងភ្នំគិរីរម្យ។ សម្រាប់អ្នកចង់សម្រាកលំហែកាយ ស្រូបយកខ្យល់អាកាសបរិសុទ្ធ ទិដ្ឋភាពប្លែកភ្នែក មិនឆ្ងាយខ្លាំងពីភ្នំពេញ ភូមិដំណាក់ដំរី គឺជាជម្រើសដ៏ល្អ។
លោក អេន ឌី ជាអ្នកគ្រប់គ្រងទូទៅនៅរមណីដ្ឋានមួយនេះ បានប្រាប់មកកាន់វេបសាយ "កញ្ញា ថា" "ភូមិដំណាក់ដំរី មានសេវាកម្មជាច្រើន សម្រាប់ឲ្យភ្ញៀវលេងកម្សាន្ត មានអាងហែលទឹក ភោជនីយដ្ឋាន និងកន្លែងស្នាក់នៅច្រើនជម្រើសដូចជា តង់ធម្មតា តង់ទំនើប ផ្ទះវីឡា ផ្ទះរចនបថម៉ូដខ្មែរ ក្នុងតម្លៃសមរម្យ” ។
ក្រៅពីទេសភាពធម្មជាតិស្រស់បំព្រងបូកផ្សំជាមួយនឹងការកែច្នៃលើផ្ទៃដីដ៏ធំល្វឹងល្វើយ ភ្ញៀវទេសចរ អាចធ្វើការថតរូបលេងស្អាតៗ ស្ទូចត្រី ជិះកង់ ជិះសេះ លេងបាល់ អុំទូកកៃយ៉ាកជាដើម។
ទីតាំងលម្អិត៖ បើជិះតាមផ្លូវជាតិលេខ ៤ ដល់ផ្សារ ត្រែងត្រយឹង បត់ចូលប្រមាណជា ៨គីឡូម៉ែត្រ អ្នកនឹងទៅដល់រមណីយដ្ឋានមួយនេះ។
ចុចអានបន្ត៖ តំបន់ទេសចរណ៍ច្រើនកន្លែងនៅកំពត ដែលមិនទាន់មានអ្នកស្គាល់អស់
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
