មិនចង់ស្តាយក្រោយពេលកាត់សក់សេះត្រូវមើល ៣ ចំណុចនេះសិន

2020-01-15 04:10:00
ចំនួនមតិ 0 | ចំនួនចែករំលែក 0

មានមិត្តនារីមិនតិចឡើយចូលចិត្តកាត់សក់សេះ ហើយមានមិត្តនារីមួយចំនួនទៀតព្យាយាមកាត់សក់សេះតែនៅតែមិនស្រឡាញ់សក់ដែលបានកាត់។ យ៉ាងណាមិញ ប្រសិនបើអ្នកមិនចង់ស្តាយក្រោយបន្ទាប់ពីកាត់សក់រួច អ្នកគប្បីដឹងនូវ ៣ ចំណុចសិនមុនសម្រេចចិត្តកាត់សក់សេះ។ ៣ ចំណុចនោះរួមមាន៖

១. មានពេលវេលាគ្រប់គ្រាន់នៅពេលព្រឹក

រូបតំណាង

បន្ទាប់ពីកាត់សក់សេះរួចហើយ អ្នកត្រូវគិតឲ្យច្បាស់លាស់ថា អ្នកមានពេលវេលាគ្រប់គ្រាន់សម្រាប់តុបតែងសក់ឬក៏អត់? ប្រហែលជាអ្នកធ្លាប់ដឹងហើយថា នៅពេលកាត់សក់សេះ អ្នកត្រូវចំណាយពេលក្នុងការថែទាំនិងតុបតែងដើម្បីឲ្យស្រស់ស្អាតពេលចេញក្រៅផ្ទះ។

២. បញ្ហាមុន

រូបតំណាង

ប្រសិនបើអ្នកកំពុងតែកើតមុននៅលើថ្ងាស អ្នកគួរតែជៀសវាងកាត់សក់សេះ។ ដោយហេតុថាសក់របស់អ្នកនឹងមានធូលីដី បាក់តេរី សារធាតុកខ្វក់ផ្សេងៗទៀតដែលបង្កឲ្យកើតមុនកាន់តែខ្លាំង។ ហេតុដូចនេះហើយ សូមកុំព្យាយាមកាត់សក់សេះនៅពេលកើតមុននៅលើថ្ងាស ឬកុំព្យាយាមគិតថាកាត់សក់ដើម្បីជួយបំបាត់មុននៅលើថ្ងាសរបស់អ្នក។

៣. តើមុខរបស់អ្នកស័ក្តិសមនឹងកាត់សក់សេះដែរឬអត់?

រូបតំណាង

សម្រាប់អ្នកមានមុខមូលគឺស័ក្តិសមជាមួយនឹងសក់សេះបែបធម្មជាតិព្រោះថាពេលកាត់សក់សេះអ្នកនឹងមានអារម្មណ៍ថាប្លែកនឹងមើលមកមុខតូចជាងធម្មតា។ ប៉ុន្តែប្រសិនបើអ្នកមានថ្ងាសនិងថ្ពាល់ធំទូលាយគួរតែកាត់សក់សេះដែលមានបន្ថែមជាយសក់បន្តិចៗទើបមើលមកកាន់តែស្រស់ស្អាត។

រូបភាព៖ Pinterest

ចុចអានបន្ត៖

មើលហើយប្លែកភ្នែកមែន ពីសក់ត្រង់ត្រឹមកបែបរលាធម្មតាទៅជាសក់ក្តោបប៉ោង

ប្រភព៖ tagsis ប្រែសម្រួល៖ សុវណ្ណ ស្រីពីន