ស្រីៗបើបុរស ៥ ប្រភេទនេះចូលមកក្នុងជីវិតអ្នក កុំឲ្យគាត់របូតពីដៃឲ្យសោះ

2018-10-27 07:30:00
ចំនួនមតិ 0 | ចំនួនចែករំលែក 0

ស្រីៗពិតជាមិនស្រួលប៉ុន្មានទេ ក្នុងការជ្រើសរើសបុរសឲ្យចូលមកក្នុងជីវិតនាង។ តែបើមានបុរស ៥ ប្រភេទដូច កញ្ញា រៀបរាប់ខាងក្រោម សូមកុំឲ្យគាត់របូតចេញពីដៃឲ្យសោះ ព្រោះពួកគាត់ជាមនុស្សល្អអាចរួមផ្លូវជាមួយអ្នកបាន។

១.មិនសូវចេះនិយាយស្ដី តែដឹងចិត្តអ្នកគ្រប់ពេល

ពេលដែលបុរសលង់ស្រលាញ់នារីណាម្នាក់ហើយ បើទោះជាគេមិនមែនជាអ្នកបានសម្ដីក៏ពិតមែន តែគ្រប់ទង្វើ និងកាយវិការរបស់អ្នក គាត់ប្រាកដជាចងចាំ និងព្យាយាមធ្វើឲ្យត្រូវចិត្តអ្នកគ្រប់ពេលវេលា។

២.មិនចេះត្អូញត្អែរ

បើចង់ដឹងថាជាមនុស្សបែបណានោះ អ្នកអាចសាកល្បងចិត្តគាត់ ដោយទាមទារឲ្យធ្វើនេះ ធ្វើនោះមិនឈប់ ដើម្បីអ្នក។ តែបើគាត់នៅតែមិនរអ៊ូ និងនៅតែខិតខំស្វះស្វែងរកមកជូនអ្នកទៀតនោះ បញ្ជាក់បានថាគាត់ជាមនុស្សពូកែអត់ធ្មត់បំផុតហើយ។

៣.មិនចេះបន្លំ

មនុស្សប្រុសសឹងតែគ្មានទេដែលបាននៅជិតមនុស្សស្រីដែលខ្លួនស្រលាញ់ ហើយមិនឆ្លៀតឱកាសបន្លំប៉ះ ឬស្ទាបដៃអ្នកនោះ។ តែបើមានបុរសប្រភេទនេះមកមែន កាន់ដៃឲ្យជាប់ ព្រោះគាត់នឹងនៅតែជាបុរសផ្ដល់តម្លៃដល់អ្នកអស់មួយជីវិត។

៤.មានឱកាស តែមិនប្រាថ្នាចង់បានខ្លួនប្រាណ

ប្រុសសម័យនេះចូលចិត្តគិតរឿងចង់បានខ្លួនប្រាណគេ ឲ្យតែមានឱកាស។ តែបើគាត់គ្មានបំណងចង់បានខ្លួនអ្នក អាចនិយាយបានថាគាត់ជាបុរសល្អ និងជាសុភាពបុរសពិតៗ។

៥.ចេះសម្របខ្លួនជាមួយអ្នកដទៃ

បុរសដែលស្រលាញ់អ្នកពិត គេក៏ស្រលាញ់ក្រុមគ្រួសារអ្នកដែរ។ ដូចនេះគាត់នឹងព្យាយាមសម្របខ្លួនឲ្យជាមួយនឹងឪពុកម្ដាយ និងបងប្អូនអ្នកស្រលាញ់គាត់ដូចគ្រួសារតែមួយ។