ចង់ឡូយដូចនារីៗនៅក្រុងប៉ារីស សាកលេងស្ទាយ៧ចំណុចនេះមើល៍
- 2017-02-06 06:49:23
- ចំនួនមតិ 0 | ចំនួនចែករំលែក 0
ចង់ឡូយដូចនារីៗនៅក្រុងប៉ារីស សាកលេងស្ទាយ៧ចំណុចនេះមើល៍
គ្រប់គ្នាដឹងហើយថាការស្លៀកពាក់របស់ស្ត្រីជនជាតិបារាំង ជាពិសេសអ្នកនៅទីក្រុងប៉ារីសគឺពិតជាស្រស់ស្អាត គួរឲ្យទាក់ទាញ។ តាមពិតទៅមិនមែនគ្រប់សំលៀកបំពាក់ទាំងអស់សុទ្ធតែថ្លៃកប់ពពកនោះទេ តែដោយសារពួកគេចេះច្នៃបញ្ចូលគ្នាថាត្រូវស្លៀកពណ៌អ្វី ឬ ម៉ូដអ្វីឲ្យស៊ីគ្នាមើលទៅកាលីពបែននារីទាន់សម័យ។ ខាងក្រោមនេះគឺជាស្ទាយ៧ចំណុច យើងអាចសាកល្បងបានដើម្បីឲ្យឡូយដូចស្រីៗក្រុងប៉ារីស។
១. ខោវប៊យ៖ ស្ត្រីបារាំងមិនចូលចិត្តខោអាវបែប Brand ៗ ពេកទេ តែគេផ្ដោតលើភាពសាមញ្ញៗច្រើនជាង។ ឧទាហរណ៍ដូចជាខោខោវប៊យជាមួយអាវក្រៅវែង។ វាមើលទៅសាមញ្ញ តែស្រស់ស្អាត។
២. អាវក្រៅវែងពណ៌ខ្មៅ៖ ជាពណ៌ដែលមិនចេះហួសសម័យ។ អ្នកប៉ារីស ចូលចិត្តអាវក្រៅខ្មៅវែងព្រោះវាអាចស្លៀកចូលសឹងតែជាមួយខោអាវគ្រប់ប្រភេទ ហើយថែមទាំងមើលទៅទាក់ទាញផងដែរ។
៣. កាបូបដៃ៖ បើប្រៀបធៀបគ្នា ស្ត្រីបារាំងគេចំណាយលុយច្រើនលើកាបូបដៃ ជាងខោអាវទៅទៀតព្រោះគេគិតថាកាបូបគឺជាគ្រឿងដែលលេចធ្លោ ងាយមើលឃើញ ហើយការយួរកាបូបក្លែងក្លាយគឺជារឿងទទួលយកមិនបានទេ។
៤. ស្បែកជើងរាប៖ អាចពាក់សមស្ទើរតែគ្រប់ម៉ូដខោអាវ។ នេះជាមូលហេតុដែលយើងអាចរកឃើញពួកវាសឹងតែគ្រប់ទីកន្លែងនៅប៉ារីស។
៥. វ៉ែនតាខ្មៅ៖ បានទាំងស្ទាយផង បានទាំងការពារភ្នែកផង។ ពួកវាជាគ្រឿងលម្អដ៏ទាន់សម័យសម្រាប់នារីគ្រប់រូប។
៦. កន្សែងតូចរុំក៖ ជាគ្រឿងបន្ថែមលើខោអាវ។ វាត្រូវស្ទើរគ្រប់ម៉ូដ ហើយយើងអាចរើសពណ៌ ឬម៉ូតតាមចូលចិត្ត។
៧. អាវរលុង៖ ម៉ូដអាវរលុងពណ៌សក៏ពេញនិយមសម្រាប់អ្នកក្រុងប៉ារីសដែរ។ យើងអាចតឺនុយ ឬមិនតឺនុយក៏បាន។ គួរពាក់វាជាមួយស្បែកជើងកែង ហើយបូកបន្ថែមគ្រឿងលម្អបន្តិចបន្តួចទៀតកាន់តែពិសេស៕