តើគាត់នឹងសារភាពស្នេហ៍ចំពោះអ្នកដែរឬទេ? សាករើសកាតមួយ

2021-08-04 01:58:00
ចំនួនមតិ 0 | ចំនួនចែករំលែក 0

ស្នេហារបស់អ្នកអាចបានទទួលចម្លើយពីមាត់គាត់ដែរឬអត់?

កាត១

មនុស្សដែលអ្នកលួចស្រលាញ់នោះ គេនឹងមិនសារភាពស្នេហ៍ចំពោះអ្នកឡើយ ព្រោះគេមិនចូលចិត្តអ្នក។ បើនិយាយទៅ គេជាមនុស្សល្អម្នាក់ ប៉ុន្តែអ្នកទាំងពីរហាក់មិនសូវត្រូវគ្នាសោះ។ ដូច្នេះហើយ គេមិនទាន់បានគិតអ្វីលើអ្នកក្រៅពីមិត្តភក្កិឡើយ។ អ្នកក៏ដូចគ្នា មិនគួរសារភាពស្នេហាចំពោះគេនោះទេ ព្រោះថាគេហាក់គ្មានគិតចង់ដើរផ្លូវរួមជាមួយអ្នកឡើយ។

កាត២

មនុស្សម្នាក់នោះនឹងសារភាពស្នេហ៍ចំពោះអ្នក ព្រោះតែគេខ្លាចអ្នកដទៃលួចឆក់អ្នកពីគេទៅបាត់។ អ្នកជាមនុស្សដែលមានគេឯងតាមចូលចិត្តច្រើនណាស់។ យ៉ាងណាក្តី អ្នកមិនចង់មានស្នេហាជាមួយនរណាលឿនពេកទេ ព្រោះអ្នកចង់នៅមើលចិត្តគំនិតគ្នាឲ្យបានម៉ត់ចត់ជាងនេះ។ នោះជាហេតុផល ដែលធ្វើឲ្យម្នាក់នោះអាចនឹងសារភាពស្នេហ៍មកអ្នកនៅពេលក្រោយណាមួយ ហើយត្រូវរង់ចាំការងក់ក្បាលពីអ្នកសិនដែរ។

កាត៣

មើលទៅ គាត់ហាក់ដូចជាមិនប្រាកដប្រជាអំពីអារម្មណ៍របស់ខ្លួនគាត់នៅឡើយទេ។ សូម្បីគាត់បានដឹងរួចហើយថា អ្នក Crush លើគាត់ ក៏គាត់នៅតែមិនច្បាស់ថាគួរនិយាយពាក្យស្រលាញ់នោះទៅកាន់អ្នកឬអត់។ តាមពិត មនុស្សដែលអ្នកមានចិត្តលើនោះ គេជាមនុស្សពូកែអៀនប្រៀន ដូច្នេះបើអ្នកចង់ឲ្យស្នេហានេះឆាប់ដឹងលទ្ធផល ហើយមិនប្រកាន់ខ្លួនទេ អ្នកអាចចាប់ផ្តើមនិយាយពីរឿងស្នេហានេះមុនបាន។

កាត ៤

ថ្មីៗនេះ រឿងរ៉ាវស្នេហារបស់អ្នកហាក់ដូចជាសោះកក្រោះបន្តិចហើយ។ អ្នកត្រូវការពេលវេលាស្ងៀមស្ងាត់ម្នាក់ឯងដើម្បីសិក្សាស្វែងយល់ពីខ្លួនអ្នកឲ្យបានល្អជាងនេះ។ ហេតុនេះ អ្នកប្រហែលជាត្រូវនៅឯកាអស់រយៈពេលយូរបន្តិច ហើយចង់បានគូស្នេហ៍ដែលជាគូអនាគតតែម្តង។