មិនថាអ្នកជាមនុស្សដែលសុំបែកគេ ឬក៏គេនោះជាអ្នកសុំអ្នកបែកក៏ដោយ អ្នកគួរតែចៀសវាងការផ្ញើសារទៅកាន់អតីតរបស់អ្នក ពីព្រោះវាមិនមែនជាគំនិតល្អឡើយ ផ្ទុយទៅវិញវារឹតតែធ្វើឲ្យអ្នកកាន់តែពិបាកក្នុងការព្យាបាលខ្លួនឯង ការឆ្លងកាត់ការឈឺចាប់ និងការឆ្ពោះទៅមុខសម្រាប់អនាគតរបស់អ្នក។

អ្នកប្រហែលជាចង់ផ្ញើរសារទៅអតីតរបស់អ្នក ចង់ដឹងថាគេយ៉ាងម៉េចហើយ ប៉ុន្តែអ្នកមិនគួរធ្វើវាឡើយខណៈពេលអ្នកមិនទាន់បានជាសះស្បើយនោះ។ តែប្រសិនបើអ្នកគិតថាចង់ផ្ញើសារទៅអតីតរបស់អ្នកនោះ អ្នកគួរធ្វើការពិចារណាជាមុនសិនថាតើស្ថានភាពរបស់អ្នកយ៉ាងណាហើយ?

ហើយមានហេតុផលជាច្រើនដែលអ្នកមិនគួរធ្វើការផ្ញើសារទៅកាន់អតីតរបស់អ្នក៖

• ការបាត់បង់ ឬមិនគោរពឲ្យតម្លៃចំពោះខ្លួនឯង
• ទទួលបានការឈឺចាប់បន្ថែមទៀតពីអតីតរបស់អ្នក
• គេអាចនឹងមានឱកាសធ្វើបាបចិត្តអ្នកម្តងទៀត
• វាអាចធ្វើឲ្យអ្នកមើលទៅអន្ទះសាអត់គេមិនបាន
• អ្នកនឹងបាត់ជំនឿទុកចិត្តលើខ្លួនឯង និងឱកាសក្នុងការជួបមនុស្សថ្មី
• វាអាចទាញយកសេចក្តីសុខនឹងភាពសប្បាយចិត្តក្នុងជីវិតរបស់អ្នក

ដូច្នេះចៀសវាងការផ្ញើសារទៅកាន់អតីតបើសិនជាទើបតែបែកគ្នានោះ ដើម្បីទុកពេលសម្រាប់ការព្យាបាលខ្លួនឯងឲ្យបានជាសះស្បើយជាមុនសិន។ ការបន្តដំណើរទៅមុខជាមួយការឈឺចាប់ទាំងនោះដោយខ្លួនឯង យូរៗទៅអ្នកនឹងបានធូរស្រាល ហើយទីបំផុតអ្នកនឹងបានជាសះស្បើយពីការឈឈឺចាប់ទាំងនោះ និងទទួលបានជីវិតដ៏ស្រស់បំព្រងមកវិញ៕

ប្រភពរូបភាព៖ Pinterest

ចុចអានបន្ត៖

• រឿង ៥ យ៉ាងដែលដៃគូសង្សារត្រូវធ្វើដើម្បីទទួលបានសុភមង្គលក្នុងជីវិតស្នេហា
• រឿង ៣ យ៉ាងដែលបុរសស្មោះពិតតែងតែធ្វើវាឡើងចំពោះដៃគូសង្សាររបស់គាត់