សត្វតោដែលអ្នកជ្រើសរើសអាចប្រាប់បានថា ក្នុងចិត្តអ្នកពេញចិត្តដៃគូជីវិតប្រភេទណា៖

សត្វតោទី ១

អ្នកពេញចិត្តនឹងមនុស្សម្នាក់ដែលចូលមកដើម្បីបន្ថែមពណ៌ និង អត្ថន័យដល់ជីវិតអ្នក ព្រោះថាអ្នកជាប្រភេទមនុស្សដែលមិនចូលចិត្តការងារដដែលៗ ហើយក៏មិនពេញចិត្ត។ មនុស្សដែលអាចធ្វើអ្នករំជួលចិត្តបាននោះ គួរតែជាមនុស្សដែលរ៉ូម៉ែនទិច ហើយក៏ចូលចិត្តបង្ហាញអោយអ្នកដឹងថា គេចូលចិត្តអ្នកខ្លាំងប៉ុណ្ណា។

សត្វតោទី ២

បើសិនជាអ្នកជ្រើសរើសសត្វតោទី ២ នេះ ការដែលមានទំនាក់ទំនង និង យល់ចិត្តគ្នា មានចិត្តគំនិតស្រដៀងគ្នាសំខាន់ណាស់សម្រាប់អ្នក ហើយក៏ជាអ្វីដែលអ្នកស្វែងរកពីគូស្នេហ៏។ មនុស្សដែលអាចអោយអ្នកចាប់ចិត្តបានច្រើនតែជាមនុស្សដែលមានភាពវាងវៃ ហើយស្រគត់ស្រគំ។

សត្វតោទី ៣

អ្នកជាមនុស្សដែលមានមហិជ្ជតាខ្ពស់ ហើយក៏ប្រាថ្នាអោយដៃគូខ្លួនមានគោលដៅ និង គោលបំណងយ៉ាងជាក់លាក់នៅក្នុងជីវិតគេ។ ឃើញគេសម្រេចបំណង និង ឈានដល់គោលដៅជីវិតគេ ធ្វើអោយអ្នកកាន់តែពេញចិត្តនឹងគេថែមទៀត។

សត្វតោទី ៤

អ្នកត្រូវការមនុស្សដែលចាស់ទុំ មានទ្រព្យសម្បត្តិស្តុកស្តម្ភគួរសម មានឥទ្ធិពល ហើយក៏ស្គាល់ច្បាស់ពីអ្វីដែលគេចង់សម្រេចបាននៅក្នុងជីវិតគេ។ អ្នកមានការគោរពជាខ្លាំង ហើយក៏មានអារម្មណ៏ថាប្រភេទមនុស្សដែលមានមុខមានមាត់ក្នុងសង្គម ធ្វើអោយអ្នកពេញចិត្តជាខ្លាំង។

សត្វតោទី ៥

បើសិនជាអ្នកជាជ្រើសតោមូយនេះ អ្នកត្រូវការអោយដៃគូអ្នកដើរតួជាវីរះបុរសជិះសេះសរនៅក្នុងជីវិតអ្នក មនុស្សដែលអាចធ្វើអោយអ្នកមានអារម្មណ៏ថាអាចអោយអ្នកពឹងពាក់បានទោះជាត្រូវឆ្លងកាត់ព្យះភ្លៀងធំយ៉ាងណាក្ដី ហើយក៏ជាអ្នកនៅពីក្រោយការសម្រេចចិត្តនាៗនៅក្នុងជីវិតអ្នកថែមទៀត។

សត្វតោទី ៦

អ្នកពេញចិត្តមនុស្សដែលចាត់ទុកគ្រូសារជាធំ មិនថាមានរឿងអ្វី ក្រុមគ្រូសារតែងតែស្ថិតនៅលំដាប់លេខមួយនៅក្នុងជីវិតអ្នកជានិច្ច។ ដោយសារតែគ្រូសារក៏សំខាន់ខ្លាំងសម្រាប់អ្នកផងដែរនោះ ទើបអ្នកត្រូវការមនុស្សដែលយល់ពីអ្នកចំពោះរឿងមួយនេះ ហើយក៏មានចិត្តគំនិតមិនខុសពីអ្នកប៉ុន្មាននោះទេ។