រឿងភាគថ្មីរបស់ Jiyeon ក្រុម T-ara មានចំនួនអ្នកមើលទាបស្ទើរស្មានមិនដល់
- 2021-05-12 04:52:00
- ចំនួនមតិ 0 | ចំនួនចែករំលែក 0
រឿងភាគថ្មីរបស់ Jiyeon ក្រុម T-ara មានចំនួនអ្នកមើលទាបស្ទើរស្មានមិនដល់
Imitation ខ្សែភាពយន្តភាគកូរ៉េថ្មីរបស់តារាសម្ដែង និងចម្រៀងស្រីកូរ៉េល្បីឈ្មោះ Jiyeon មានចំនួនអ្នកមើលតិចមិនគួរឲ្យជឿ។
មុននេះបន្តិច បណ្ដាញព័ត៌មាន Newsen បានបញ្ចេញទិន្និន័យពី Nielsen Korea សម្រាប់តួរលេខអ្នកទស្សនាខ្សែភាពយន្តភាគ Imitation ភាគទី ១។ តាមប្រភពខាងលើ ចំនួនអ្នកទស្សនាសម្រាប់រឿងភាគនេះទទួលបានត្រឹមតែ ០.៩%ប៉ុណ្ណោះនៅទួទាំងប្រទេសកូរ៉េ ពោលគឺបានប្រមាណ៤០ម៉ឺនតាមដានរឿងនេះ។ តួរលេខទាបនឹកស្មានមិនដល់បានធ្វើឲ្យរឿងត្រូវគេភ្លេចតែម្ដងថា មានរឿងបែបនេះចាក់បញ្ចាំងលើទូរទស្សន៍។
ក្រោយពេលតួរលេខនេះត្រូវបានបញ្ចេញ មនុស្សជាច្រើនបានឆ្ងល់ថាហេតុអ្វី រឿងនេះមានចំនួនអ្នកមើលទាបដល់ថ្នាក់នេះ។ បណ្ដាញព័ត៌មានជាច្រើនបានលើកឡើងថា រឿងដែលនិយាយពីជីវិតតារា KPOP នៅពេលនេះលែងទាក់ទាញអ្នកមើលទៀតហើយ ដែលធ្វើឲ្យរឿងនេះមិនត្រូវបានគេចាប់អារម្មណ៍។ ទោះបីជារឿងនេះមាន Idol ជាច្រើនចូលរួមសម្ដែងដូចជា Jiyeon (T-ara), Ateez និង SF9 ក៏ដោយ តែអ្នកគាំទ្ររបស់ក្រុមទាំងនេះនៅតែមិនអាចជួយយិតយោងរឿងបាន។
ទោះបីជាមានគម្រោងចាក់ផ្សាយ១២ភាគមែនពិត តែដោយសារតែតួរលេខអន់ខ្លាំងបែបនេះ មនុស្សជាច្រើនសង្ស័យថា រឿងនឹងត្រូវកាត់ឲ្យខ្លី និងឈប់បញ្ចាំងនៅពេលឆាប់ៗនេះ៕