អាយុច្រើនមិនសំខាន់! សំខាន់ត្រូវស្គាល់វីតាមីន ៤ ប្រភេទ ដែលស្បែកត្រូវការបំផុត

2021-05-12 00:00:00
ចំនួនមតិ 0 | ចំនួនចែករំលែក 0

ធ្លាប់ទេ?សាកល្បងប្រើប្រាស់ផលិតផលអ្វីក៏មិនត្រូវនឹងស្បែកមុខ?

ជាក់ស្ដែង អ្នកណាក៏ជួបប្រទះបញ្ហានេះដែរ ខំស្វែងរក និង សាកល្បងច្រើនផលិតផលណាស់ដែរ តែដូចមិនត្រូវនឹងស្បែក គឺហាក់គ្មានអ្វីប្លែកសោះ។ អ្នកនឹងមានអារម្មណ៍ថា ពេលអ្នកមានអាយុកាន់តែច្រើន វាកាន់តែពិបាកក្នុងការស្វែងរកផលិតផលដែលស័ក្ដសមនឹងស្បែក នោះបណ្ដាលមកពីការផ្លាស់ប្ដូរនៃស្បែកតាមអាយុកាល។ យ៉ាងណាមិញ កញ្ញានឹងបង្ហាញប្រាប់នូវ វីតាមីន ៤ ប្រភេទ ដែលអ្នកគួរបំពេញដោយការលាប ឬ ញ៉ាំ ដើម្បីឲ្យស្បែកតឹងណែន សភ្លឺរលោង មិនទ្រុឌទ្រោមទៅតាមអាយុ៖

រូបតំណាង

**១. វីតាមីន D៖** ជាតិវីតាមីនD ច្រើនជ្រាបចូលតាមរយៈពន្លឺព្រះអាទិត្យ ហើយត្រូវបានបម្លែងទៅជាកោសិកាថ្មីដែលជួយឲ្យស្បែកមានសុខភាពល្អ។ អ្នកអាចបំពេញជាតិវីតាមីន D តាមរយៈវិធីដូចជា៖ - ស្រូបយកពន្លឺថ្ងៃឲ្យបាន ១០ នាទីក្នុងមួយថ្ងៃ - ទទួលទានយ៉ាអួ ទឹកដោះគោ និង ទឹកក្រូចច្របាច់ - ទទួលទានអាហារដែលសម្បូរជាតិវីតាមីន D រួមមាន សាច់ត្រីសាល់ម៊ុន និង ធូណាជាដើម។

រូបតំណាង

២. វីតាមីន C៖ អ្នកណាៗក៏ធ្លាប់ដឹងពីគុណប្រយោជន៍របស់វីតាមីនC សម្រាប់ស្បែកដែរ។ វាមាននាទីជួយការពារស្បែកពីមេរោគមហារីក និង ជាជំនួយផ្នែកផលិតកម្មខូឡាជែននៅក្នុងស្បែក។ លើសពីនេះ វីតាមីនC ជួយការពារស្បែកពីកម្ដៅព្រះអាទិត្យ និង ជួយការពារ ទប់ស្កាត់ស្នាមជ្រីវជ្រួញនៃស្បែកថែមទៀតផង។ ជាតិវីតាមីន C ច្រើនមាននៅក្នុងផ្លែក្រូច ផ្លែស្រ្តបឺរី និង ផ្កាខាត់ណាពណ៌ខៀវជាដើម។ ក្រៅពីការញ៉ាំអាហារដែលមានផ្ទុកវីតាមីនC អ្នកក៏អាចជ្រើសរើសនូវផលិតផលលាបស្បែកដែលមានផ្សំឡើងពីវីតាមីនC ផងដែរ ដើម្បីឲ្យស្បែកសភ្លឺ និង តឹងណែន។

រូបតំណាង

៣. វីតាមីន E៖ វីតាមីន E ជាសារធាតុប្រឆាំងអុកស៊ីតកម្មដែលជួយការពារស្បែកពីកម្ដៅថ្ងៃ និងជួយជួសជុលកោសិកាស្បែកដែលត្រូវបានបំផ្លាញដោយកាំរស្មីពន្លឺព្រះអាទិត្យ។ ក្រៅពីនេះ វីតាមីនE ជួយទប់ស្កាត់នូវស្នាមជ្រីវជ្រួញ និង ស្នាមអុជខ្មៅបានយ៉ាងមានប្រសិទ្ធភាព។ អ្នកអាច ធ្វើការបំពេញនូវជាតិវីតាមីនE តាមរយៈការបរិភោគនូវប្រភេទគ្រាប់ធញ្ញជាតិ ដូចជាសណ្ដែកដី អាល់ម៊ុន និងគ្រាប់ផ្កាឈូករ័ត្នជាដើម។

រូបតំណាង

៤. វីតាមីន K៖ វីតាមីនទី៤ ដែលស្បែកត្រូវការចាំបាច់នោះគឺ វីតាមីនK ដែលច្រើនរកឃើញនៅក្នុងគ្រីមលាបស្បែក ព្រោះវាជាធាតុផ្សំមួយដ៏ល្អសម្រាប់ស្បែក ជាពិសេសស្បែកដែលមានបញ្ហាដូចជាការឡើងសង្វារ ឡើងសរសៃ មានស្នាមជាំ អុជខ្មៅ មានស្លាកស្នាម ព្រមទាំងភាពខ្មៅស្រអាប់ជុំវិញភ្នែកជាដើម។ ដូច្នេះ សម្រាបអ្នកដែលងាយជួបបញ្ហាស្បែក និង ចង់ទប់ស្កាត់បានទាន់ពេលវេលា គួរប្រើប្រាស់ផលិតផលដែលមានជាតិវីតាមីនK ។ គួរបញ្ជាក់ថា អាហារដែលមានផ្ទុកជាតិវីតាមីនK រួមមាន សាឡាត់ ស្ពៃក្ដោប និង សណ្ដែកខៀវជាដើម៕

ចុចអានបន្ត៖ សក់ខ្លី ចង់មើលទៅឃើញក្មេង ទាល់តែចេះកែច្នៃតាមតិចនិកពិសេសៗទាំងនេះ

ប្រភព៖ healthline ប្រែសម្រួល៖ Siyou Tang