ពេលប្ដីមានស្រី ទៅវ៉ៃគ្នាហួសដឺឡេហើយ អ្នកឆ្លាតគេប្រើវិធីទាំងនេះ
- 2021-05-11 08:54:00
- ចំនួនមតិ 0 | ចំនួនចែករំលែក 0
ពេលប្ដីមានស្រី ទៅវ៉ៃគ្នាហួសដឺឡេហើយ អ្នកឆ្លាតគេប្រើវិធីទាំងនេះ
ពេលមុនៗ មនុស្សស្រីជាច្រើនឲ្យតែពេលឮថាប្ដីមានស្រីកំណាន់ខាងក្រៅភ្លែត គឺដឹងតែទៅដល់ផ្ទះស្រីប្ដីភ្លាម ដើម្បីវាយ និងគំរាម តែបច្ចុប្បន្ននេះ អ្នកមានចំណេះ គេឈប់ប្រើហើយវិធីនេះ ដោយគេប្រើចំណេះច្រើនជាង។
១. និយាយបញ្ឈិតបញ្ឈៀង
នៅពេលដែលអ្នកដឹងថា ប្ដីរបស់ខ្លួនកំពុងលួចលាក់មានថ្មីហើយ កុំទាន់អាលបញ្ចេញសកម្មភាពអ្វីខ្លាំងពេក ព្រោះនៅពេលមនុស្សម្នាក់ដែលប្រព្រឹត្តខុស គឺតែងតែខ្លាចបែកធ្លាយខ្លាំងណាស់។ គ្រាន់តែអ្នកបញ្ឈិតបញ្ឍៀងបន្តិចបន្តួច បែបអ្នកដឹងខ្លះហើយនោះ គេក៏បះសក់ទៅហើយ។ ដូចនេះនៅពេលគេទើបចាប់ផ្ដើមភ្លាម អ្នកអាចលើកឧទាហរណ៍ខ្លះ ពាក់ព័ន្ធនឹងគ្រួសារត្រូវហិនហោចដោយសារប្ដីមានស្រីឲ្យគេដឹង ដើម្បីបន្លាចគេសិន។
២. ស៊ើបឲ្យអស់
វិធីនេះតម្រូវឲ្យប្រពន្ធត្រូវមានចិត្តអំណត់ និងមានធនធានរាងក្រែលដែរ តែបើសម្រេច គឺឈ្នះអស់មារសត្រូវតែម្ដង។ ដើម្បីអនុវត្ត អ្នក ឬក្រុមរបស់អ្នកត្រូវតាមដានអ្នកទាំង២នោះឲ្យជាប់ ហើយរកភស្តុតាងឲ្យបានទាំងអស់ ដូចជាជួបគ្នានៅឯណា ឲ្យអ្វីគ្នាខ្លះ។ នៅពេលប្រមូលបានហើយ គឺបញ្ចេញឲ្យអ្នកទាំង២នោះឃើញតែម្ដង។ លទ្ធផលចុងក្រោយ អ្នកចង់ឲ្យចំណងនេះទៅជាបែបណា គឺសម្រេចលើអ្នកទាំងអស់។
៣. ផ្សំផ្គុំពួកគេ
វិធីនេះគឺសម្រាប់ប្រពន្ធដែលអស់ចិត្តនឹងប្ដីហើយអស់រលីង។ គេតែងថា ប្រុសក្បត់ គូនឹងស្រីផិតគឺមិនខុសឡើយ។ ដូចនេះហើយ បើអ្នកអស់ចិត្តហើយ នៅចាំអីទៀត លើកពួកគេឲ្យគ្នាតែម្ដងទៅ ព្រោះក្បត់នេះគឺជានិស្ស័យ ដោយមិនអាចកែបានដោយងាយៗទេ។ បើគិតថា រស់នៅជាមួយគ្នាលែងបានហើយ ផ្សំផ្គុំពួកគេនឹងគ្នាតែម្ដងទៅ។ នៅពេលធ្វើដូចនេះ ប្ដីបានដឹងថា ខ្លួនអស់តម្លៃប៉ុណ្ណា ឯស្រីកំណាន់វិញ ទើបដឹងថា ខ្លួនតាមការពិតយករបស់សល់ពីគេសោះ៕