ទ្រព្យសម្បត្តិរបស់ Zhao Li Ying ក្រោយពេលលែងលះប្ដី
- 2021-05-10 09:10:00
- ចំនួនមតិ 0 | ចំនួនចែករំលែក 0
ទ្រព្យសម្បត្តិរបស់ Zhao Li Ying ក្រោយពេលលែងលះប្ដី
ដោយសារតែអតីតប្ដីប្រពន្ធកំពូលតារាចិន Zhao Li Ying និង Feng Shaofeng បែងចែកដាច់ពីគ្នាតាំងពីដើម ដូចនេះហើយ ទោះបីជាក្រោយលែងលះក៏ទ្រព្យរបស់ Zhao Li Ying មិនមានការផ្លាស់ប្ដូរច្រើននោះឡើយ។
កាលពីថ្ងៃទី ៩ ខែឧសភាកន្លងទៅនេះ បណ្ដាញព័ត៌មាន Mirror Media បានឲ្យដឹងថា កាលពីមិនទាន់បែកគ្នា ទ្រព្យសម្បត្តិទាំងអស់របស់តារាសម្ដែងស្រី Zhao Li Ying និង Feng Shaofeng មានសរុបប្រមាណ ១ពាន់លានយាន់ (១៥៤លានដុល្លារ) ដោយនៅក្នុងនោះ ខាងប្រពន្ធគឺជាអ្នកដែលរកលុយបានច្រើនជាង។
ប្រភពខាងលើ បានឲ្យដឹងថា តារាស្រីអាយុ ៣៣ឆ្នាំមានផលិតកម្មផលិតរឿងចំនួន៣ និងជាអ្នកមានភាគហ៊ុនក្នុងក្រុមហ៊ុនសិល្បៈធំៗចំនួន៧ទៀត។ មិនត្រឹមតែប៉ុណ្ណោះ ប្រាក់ចំណូលភាគច្រើនរបស់នាងបានមកពីតម្លៃខ្លួនដ៏ខ្ពស់កប់ពពកពេលថតរឿង និងការផ្សព្វផ្សាយពាណិជ្ជកម្ម ដោយគ្រាន់តែរាប់ត្រួសៗនាងគឺជាអ្នកតំណាងរបស់ប្រេនជាតិ និងអន្តរជាតិជាង១០។
៥ ឆ្នាំចុងក្រោយនេះ តួរឿងនិស្ស័យស្នេហ៍ដាវទេពតែងតែស្ថិតក្នុងចំណោម TOP 10 តារាស្រីដែលមានចំណូលពីសិល្បៈខ្ពស់បំផុតរបស់ Forbes។ ជាក់ស្ដែងក្នុងឆ្នាំ ២០២១ គ្រាន់តែចំណូលពីសិល្បៈរបស់អ្នកម្ដាយកូន១ គឺឡើងដល់ ២៩,២លានដុល្លារ និងឈរលំដាប់ទី៧។
បច្ចុប្បន្ន តារាកើតឆ្នាំ ១៩៨៧ មានអចលនទ្រព្យធំៗ២កន្លែងនៅទីក្រុងប៉េកាំង និងសៀងហៃ ដោយក្នុងមួយកន្លែងតម្លៃមិនក្រោម១០លានដុល្លារនោះឡើយ។ ក្រៅពីនេះ ដោយសារតែវិនិយោគចូលក្រុមហ៊ុនរបស់ប្ដីប្រពន្ធតារាសម្ដែង Liu Shishi ដូចនេះហើយ ក្រោយពេលក្រុមហ៊ុននេះមានឈ្មោះលើទីផ្សារភាគហ៊ុន Zhao Li Ying ក៏កើបលុយរាប់សិបលានដុល្លារដូចគ្នា។
ដោយសារតែអតីតប្ដីប្រពន្ធមួយគូនេះ បានបែងចែកលុយមិនឲ្យចូលគ្នាតាំងពីដើម ដូចនេះហើយ ទោះក្រោយលែងលះ អាចនិយាយបានថា លុយរបស់តារាស្រីជួរមុខនេះមិនបានធ្លាក់ចុះឡើយ៕