បែកធ្លាយ Liu Yifei មានសង្សារថ្មីក្រោយបែកគ្នាជាមួយកំពូលតារាប្រុសកូរ៉េ

2021-05-10 03:30:00
ចំនួនមតិ 0 | ចំនួនចែករំលែក 0

អ្នកកាសែតជាច្រើនកំពុងបញ្ចេញព័ត៌មានថា កំពូលតារាស្រីមួយរូបទើបតែមានមិត្តប្រុសថ្មី ក្រោយពេលជីកឫសជីកគល់ គេសន្និដ្ឋានថា សិល្បការិនីរូបនេះគឺជាកំពូលតារាសម្ដែងស្រីចិន Liu Yifei។

កាលពីថ្ងៃទី ៨ ខែឧសភាកន្លងទៅនេះ បណ្ដាញព័ត៌មាន QQ បានរាយការណ៍ថា អ្នកនៅក្នុងសិល្បៈជាច្រើនបានចែករំលែកថា កំពុងមានស្រីស្អាតជួរមុខម្នាក់ ទើបចាប់ផ្ដើមមនោសញ្ចេតនាថ្មី។ តាមនោះដែរ ស្រីស្អាតរូបនេះមានអ្នកគាំទ្រដល់ទៅ ៥០លាននាក់។ ក្រោយពេលស្វែងយល់ មួយរយៈពេល គេបានដឹងថា តារាស្រីដែលគេកំពុងនឹកដល់នេះ គឺតារាសម្ដែងស្រី Liu Yifei។

តាមនោះដែរ ស្រីស្អាតវ័យ៣៣ឆ្នាំ កំពុងតែមានស្នេហាជាមួយជាងថតរូបដែលធ្លាប់សហការនឹងគ្នាយូរឆ្នាំ ដោយជាងថតរូបនេះមានឈ្មោះថា Liu Jian An។ មូលហេតុដែលបែកធ្លាយពីចំណងស្នេហារបស់អ្នកទាំង២នោះគឺមកពីពួកគេមានរូបថតជាមួយគ្នាច្រើនពេក ហើយនៅពេលដើរលេង ពួកគេក៏មិនខ្លាចក្នុងការស្លៀកពាក់ខោអាវគូនឹងគ្នាដែរ។

មុនពេលមានចំណងស្នេហ៍ជាមួយបុរសជនជាតិចិននេះ តួរឿង Mulan ធ្លាប់មានចំណងស្នេហ៍ផ្លូវការជាមួយកំពូលតារាសម្ដែងប្រុសកូរ៉េ Song Seung Hun ក្រោយពួកគេថតរឿងជាមួយគ្នា។ យ៉ាងណាក្ដី ចំណងស្នេហ៍នេះត្រូវបានប្រេះស្រាំក្រោយ២ឆ្នាំ។ ក្រោយមានព័ត៌មានស្នេហាថ្មីនេះកើតឡើង ក្រុមអ្នកគាំទ្ររបស់ Liu Yifei មិនត្រឹមតែមិនបន្ទោសនាងនោះទេ ថែមទាំងជូនពរឲ្យនាងជួបអ្នកដែលស្រលាញ់នាងពិតទៀតផង ដ្បិតក្នុងចំណោមតារាស្រីស្រករនាងដូចជា Angelababy ឬ Yang Mi គឺសុទ្ធតែមានប្ដីរួចអស់ហើយ៕

ប្រភព៖ Kenh14 ប្រែសម្រួល៖ Caramel