ស្រីម្នាក់ត្រូវសង្សារសុំបែកគ្នា ព្រោះរឿងទៅញ៉ាំពងទាកូន
- 2021-05-06 02:40:00
- ចំនួនមតិ 0 | ចំនួនចែករំលែក 0
ស្រីម្នាក់ត្រូវសង្សារសុំបែកគ្នា ព្រោះរឿងទៅញ៉ាំពងទាកូន
ហេតុការណ៍ខាងលើបានកើតឡើងនៅប្រទេសវៀតណាម ធ្វើឲ្យមនុស្សជាច្រើនហួសចិត្តជាខ្លាំង។
មិនខុសពីប្រទេសអាស៊ីអាគ្នេហ៍ដទៃនោះទេ ពងទាកូនក៏ជាមុខម្ហូបពេញនិយមនៅក្នុងប្រទេសវៀតណាមដូចគ្នា ដោយសារមានរសជាតិឆ្ងាញ់ និងតម្លៃធូរថ្លៃ។ មុខម្ហូបមួយនេះ ក៏ជាជម្រើសរបស់គូសង្សារវ័យក្មេងដែលមិនទាន់មានចំណូលច្រើន។ តែមនុស្សជាច្រើនស្ទើរតែមិនជឿថា ការទៅញ៉ាំពងទាកូន អាចធ្វើឲ្យគូស្នេហ៍បែកគ្នា។ ជាក់ស្ដែង នារីម្នាក់ត្រូវបានសង្សាររបស់ខ្លួនសុំបែកគ្នាភ្លាមៗនៅពេលអ្នកទាំង២ណាត់គ្នាដើរលេងហើយ ចូលញ៉ាំពងទាកូន។ តាមសម្ដីនារីជាសង្សារ អាយុ២៥ឆ្នាំ រស់នៅទីក្រុងហូជីមិញ ប្រទេសវៀតណាម បានឲ្យដឹងថា ក្រោយពីទៅមើលកុននឹងគ្នារួច ពួកគេក៏ស្កាត់ចូលញ៉ាំពងទាកូនបន្ត។
ដោយសព្វមួយដង សង្សាររបស់នាងគឺជាអ្នកបក និងយកកូនចេញឲ្យនាងខ្លួនឯង ព្រោះដឹងថានាងមិនចេះញ៉ាំកូន។ តែលើកនេះ ក្រោយបកហើយលោកទុកកូនក្នុងចាននាងដដែរ។ គ្រាន់តែនាងសួរថា ម៉េចលើកនេះមិនយកចេញ ខាងប្រុសក៏ស៊ុតនាង១០០ៗ តបមិនទាន់ថា៖ ហត់ខ្លាំងណាស់ បើញ៉ាំហើយ ញ៉ាំឲ្យអស់ទៅ ចរិតពិបាកតាមបែបនេះ ធុញខ្លាំងណាស់ ខ្ញុំទ្រាំនឹងនាងលែងបានហើយ។
គ្រាន់តែនិយាយហើយ គេក៏ថាបែកគ្នាទៅ ហើយចេញទៅបាត់ ខ្ញុំអារម្មណ៍មិនទាន់ចូលខ្លួនវិញស្រួលបួលផង ហើយត្រូវខ្មាសគេព្រោះតុផ្សេងមើលមកដូចមនុស្សភពផ្សេង។
ក្រោយពេលរឿងនេះត្រូវបានបង្ហោះលើបណ្ដាញសង្គម មនុស្សជាច្រើនបង្ហាញក្ដីអាណិតចំពោះខាងស្រី ហើយប្រាប់នាងថា មកពីសង្សាររបស់នាងអស់ចិត្តនោះ ក៏មានមតិភាគច្រើនបានលើកឡើងថា ខាងស្រីធ្វើចរិតស្រីស្អាតខ្លាំងពេក ទើបត្រូវមិត្តប្រុសសុំបែកបែបនេះ៕