អ្នកគាំទ្រស្ដាយសម្រស់កំពូលតារាហុងកុង ព្រោះរូបរាងខុសពីមុនពេក

2021-05-05 02:25:00
ចំនួនមតិ 0 | ចំនួនចែករំលែក 0

ក្រោយបាត់មុខមួយរយៈ ដោយសារលែងលះប្ដីនោះ តារាសម្ដែង និងចម្រៀងល្បីឈ្មោះហុងកុងបានហក់ចូលមកប្រឡូកសិល្បៈវិញ តែរូបសម្បត្តិរបស់នាង ធ្វើឲ្យស្ដាយជាខ្លាំង។

កាលពីថ្ងៃទី ២ ខែឧសភាកន្លងទៅនេះ បណ្ដាញព័ត៌មាន HK01 បានរាយការណ៍ថា តារាសម្ដែង និងចម្រៀងស្រីជួរមុខហុងកុង Gillian Chung បាន ចូលថតកម្មវិធីជជែកកម្សាន្តថ្មីមួយ។ នេះគឺជាការចូលទូរទស្សន៍វិញ លើកទី១របស់សមាជិកកំពូលក្រុមចម្រៀង Twin ក្រោយនាងលែងលះប្ដី កាលពីចុងឆ្នាំមុន។

យ៉ាងណាក្ដី ជំនួសឲ្យការចែករំលែករបស់នាង មនុស្សជាច្រើនបែរជា ចាប់អារម្មណ៍លើរូបសម្បត្តិរបស់ស្រីស្អាតវ័យ ៤០ឆ្នាំវិញ។ តាមនោះដែរ ទោះបីជាមិនបានបង្ហើបក៏ដោយ តែប្រភពជាច្រើនបានសន្និដ្ឋានថា Gillian Chung បានឡើងគីឡូយ៉ាងតិចក៏ ១៥គីឡូដែរ។ ការឡើងគីឡូ ហួសកំណត់នេះបានធ្វើឲ្យនាងមើលទៅដុះបឿ និងលែងឃើញក តែម្ដង។

ក្រៅពីនេះ អ្នកគាំទ្រក៏ព្រួយបារម្ភចំពោះនាងដូចគ្នា ដ្បិតនាងអាចឡើងគីឡូដោយសារស្ត្រេសពេក ញ៉ាំអីលែងគិត ទើបគ្រប់គ្រងទម្ងន់ខ្លួនឯងលែងបាន។ នៅក្នុងកម្មវិធីនេះដែរ តារាកើតឆ្នាំ ១៩៨១ បានទទួលស្គាល់ថា ពេលទើបលែងលះភ្លាមៗ នាងក្ដៅពេក ទើបប្រកាសថា ឈប់ជឿលើមង្គលការ តែនៅពេលនេះ ក្រោយពេលគិតគូរល្អិតល្អន់ហើយ នាងបានឲ្យដឹងថា នាងនឹងផ្ដល់ឱកាសឲ្យខ្លួនឯងសារជាថ្មី ប្រសិនបើរកបានមនុស្សល្អដែលស្រលាញ់ខ្លួន៕