គួរឲ្យខ្លាច! គ្រាន់តែមិនញុំាអាហារពេលព្រឹកសោះ អាចមានជំងឺទាំងនេះដែរ

2021-04-15 02:00:00
ចំនួនមតិ 0 | ចំនួនចែករំលែក 0

អាហារពេលព្រឹកជាអាហារដ៏សំខាន់ជាងគេក្នុងចំណោមអាហារទាំងបីពេល។ មានមតិលើកឡើងថា ឲ្យតែញុំាអាហារពេលព្រឹកហើយដឹងតែមានអារម្មណ៍ថាឆ្អែតពេលថ្ងៃតែម្តង រីឯមតិខ្លះថាអាហារពេលព្រឹកមិនចាំបាច់សូវញុំាក៏មិនអីដែរ។ ជាការពិតណាស់អាហារពេលណាក៏សំខាន់សម្រាប់រាងកាយអ្នកដែរ តែចំពោះអាហារពេលព្រឹកវិញបើអ្នកមិនទម្លាប់ញុំានោះ អ្នកអាចនឹងប្រឈមមុខនឹងជំងឺ ៦ ប្រភេទដូចខាងក្រោម៖

១. ជំងឺទឹកនោមផ្អែម

សូមកុំគិតថាការតមអាហារពេលព្រឹកគឺល្អសម្រាប់អ្នក។ តែផ្ទុយទៅវិញ ការតមអាហារពេលព្រឹកគឺមានតែធ្វើឲ្យអ្នកកាន់តែធាត់ជាងមុនដោយសារអ្នកមិនបានញុំាតាំងពីពេលយប់មកម្ល៉េះ។ លើសពីនេះ មិនបានញុំាអាហារពេលព្រឹកអ្នកប្រាកដជាឃ្លានខ្លាំងនៅពេលថ្ងៃត្រង់។

២. ជំងឺសរសៃឈាមបេះដូង

ការតមអាហារលើសពីពាក់កណ្តាលថ្ងៃ ពិសេសអាហារពេលព្រឹកអាចបណ្តាលឲ្យអ្នកប្រឈមមុខនឹងជំងឺដាច់សរសៃឈាមខួរក្បាលនិងជំងឺបេះដូង ពីព្រោះពេលភ្ញាក់ពីគេងនៅពេលព្រឹកជាពេលដែលឈាមកំពុងប្រមូលផ្តុំ។ លើសពីនេះទៅទៀត ការតមអាហារនៅពេលព្រឹកអាចបណ្តាលឲ្យមានកូឡេស្តរ៉លនៅក្នុងថង់ទឹកប្រមាត់ទៀតឯណោះ។

៣. ជំងឺក្រពះ

ការមិនទទួលទានអាហារពេលព្រឹកបណ្តាលឲ្យក្រពះបញ្ចេញជាតិអាស៊ីតនៅពេលរំលាយអាហារដោយសារនៅក្នុងពោះរបស់អ្នកមិនមានអាហារសម្រាប់ក្រពះកិន។ ទាក់ទងនឹងការញុំាអាហារណាដែលមានរសជាតិហឹរៗក៏អាចបណ្តាលឲ្យមានជំងឺក្រះ mucosa និងដំបៅក្រពះដែរ។

៤. ជំងឺរវើរវាយ

ចន្លោះពេលពីម៉ោង ៧ ទៅ ៩ ជាពេលខួរក្បាលត្រូវការបូមឈាម។ ហើយវាក៏ជាពេលត្រូវការអុកស៊ីសែនដើម្បីចិញ្ចឹមខួរក្បាលដើម្បីឲ្យរាងកាយមានសកម្មភាពផ្សេងៗនៅពេលព្រឹក។ ប្រសិនបើមិនមានរបបអាហារអ្វីសោះក្នុងរាងកាយ កុំឆ្ងល់ថាហេតុអ្វីអ្នកមិនមានកម្លាំងក្នុងខ្លួន ខួរក្បាលមិនមានមុខងារមិនបានត្រឹមត្រូវ។

៥. បង្កើន stress

បើគិតពីកម្រិតអាហារដែលអ្នកទទួលទានមុនពេលចូលគេងទល់នឹងពេលព្រឹកគឺសមល្មម។ ប្រសិនបើអ្នកមិនទទួលទានអាហារពេលព្រឹកនោះ វាបណ្តាលឲ្យសម្ពាធស្ករនៅក្នុងឈាមទាបធ្វើឲ្យឈឺក្បាល កម្រិតអរម៉ូនឡើងចុះមិនស្មើគ្នា។ យ៉ាងនេះហើយ ចំណាយពេលញុំាអាហារពេលព្រឹកផង។

៦. មានសម្ពាធ

ការតមអាហារនៅពេលព្រឹកបណ្តាលឲ្យមានអារម្មណ៍ស្មុគស្មាញ។ បង្កបញ្ហាអរម៉ូនជាហេតុធ្វើឲ្យខួរក្បាលមានភាពតានតឹងកើនឡើងជារៀងរាល់ថ្ងៃមិនអាចគេងបានគ្រប់គ្រាន់ វង្វេងវង្វាន់ វិលមុខ។