មុខកើតមុនមិនចេះបាត់ ដោយសារមូលហេតុទាំង ៤នេះ

2021-04-16 02:00:00
ចំនួនមតិ 0 | ចំនួនចែករំលែក 0

បញ្ហាមុខមុនជាបញ្ហាចោទសម្រាប់សុភាពនារីគ្រប់រូបពេលដែលកើតមុន។ នរណាៗក៏មានមុខមុនដែរ គ្រាន់តែអ្នកខ្លះមានតិច ហើយអ្នកខ្លះមានច្រើន។ ជួនកាល មនុស្សមួយចំនួនមានមុនឡើងលើផ្ទៃមុខខ្លះៗពេលមិនស្រួលខ្លួនជាដើម ហើយអ្នកខ្លះទៀតមានមុនដោយកត្តាផ្សេងទៀត។ តែខាងក្រោមនេះជាបញ្ហាទាំងបួនដែលកើតមុនមិនចេះបាត់ងាយៗ រួមមាន៖

១. អ្នកមិនដឹងពីមូលហេតុនៃការកើតមុន

ប្រសិនបើអ្នកមិនដឹងថាមុនរបស់អ្នកកើតឡើងដោយសារអ្វីឲ្យច្បាស់ផង ត្រូវព្យាបាលបានយ៉ាងដូចម្តេច? ភាគច្រើនមុខមុនកើតឡើងដោយសារមុខមានខ្លាញ់ច្រើន ការប្រើប្រាស់ផលិតផលខុស កោសិកាស្បែកមិនល្អ ឬបាក់តេរីផ្សេងៗ។ ដើម្បីចៀសវាងអ្នកគួរដុសសម្អាតមុខឲ្យបានពីរដងក្នុងមួយថ្ងៃដោយមានលាងសម្អាតមុខបន្ទាប់ពីដុសហ្វូមរួច ព្រោះការដុសសម្អាតមុខតែមួយមុខមិនបានសម្អាតធូលីនៅលើមុខទាំងអស់បានទេ។

រូបតំណាង

**២. ការប្រើប្រាស់ថ្នាំព្យាបាលមុនខុស**

មុខមុខមានច្រើនប្រភេទ បើមានច្រើនប្រភេទ អ្នកក៏គួរដឹងថាហេតុអ្វីបានជាវាកើតដែរ។ ប្រសិនបើមុខរបស់អ្នកមានក្បាលខ្មៅ ក្បាលស គួរប្រើថ្នាំព្យាបាលវាឲ្យបានល្អ។ ជូតសម្អាតគ្រឿងសម្អាងចេញពីមុខឲ្យបានស្អាត។ ប្រសិនបើមុខមុនកើតដោយសារក្លាយ អ្នកគួរតែប្រើថ្នាំណាដែលកម្ចាត់បាក់តេរីឲ្យមានប្រសិទ្ធភាព។

រូបតំណាង

៣. ការប្តូរផលិតផលព្យាបាលមុខច្រើនពេក

ការផ្លាស់ប្តូរផលិតផលព្យាបាលមុខញឹកញាប់ពេកក៏ជាកត្តាបង្កឲ្យមានមុនដែរ។ អ្នកមិនគួរប្តូរផលិតផលតាមចិត្តនឹកឃើញឡើយ យ៉ាងហោចណាស់គួរប្រើឲ្យបានយ៉ាងតិចពី ៦ សប្តាហ៍ ទៅ ៨ សប្តាហ៍ដើម្បីតាមដានថាមុខអ្នកមានប្រតិកម្មអ្វីឬអត់?

រូបតំណាង

៤. ការបរិភោគចំណីអាហារដែលជម្រុញឲ្យកើតមុន

ទោះបីជាមិនទាន់មានការស្រាវជ្រាវឲ្យច្បាស់ថា ការទទួលទានចំណីអាហារផ្អែមៗ សូកូឡា និងចំណីផ្សេងៗទៀតធ្វើឲ្យកើតមុនក៏ដោយ ប្រសិនបើអាចចៀសបានគួរតែចៀសដោយសារអាហារទាំងនោះជួយជម្រុញការកើតមុនដែលមានលើផ្ទៃមុខស្រាប់កាន់តែកើនឡើងជាងមុន។