រៀបចំបន្ទប់គេងបែបនេះ ប្ដីប្រពន្ធទើបការ ឬយូរហើយ ក៏មានតែក្ដីសុខ លាភចូលឥតឈប់
- 2021-04-14 02:00:00
- ចំនួនមតិ 0 | ចំនួនចែករំលែក 0
រៀបចំបន្ទប់គេងបែបនេះ ប្ដីប្រពន្ធទើបការ ឬយូរហើយ ក៏មានតែក្ដីសុខ លាភចូលឥតឈប់
ក្រៅពីជួយឲ្យប្ដីប្រពន្ធគេងលក់ស្កប់ស្កល់នោះទេ វាក៏ជួយឲ្យហុងស៊ុយរបស់ប្ដីប្រពន្ធបានខ្ពស់ ជួបតែរឿងសំណាងល្អ។
១. ទីតាំងគ្រែ
ទីតាំងដាក់គ្រែគឺជាកត្តាដ៏សំខាន់បំផុត។ ជាដំបូង អ្នកត្រូវរកកន្លែងដែលស្ងប់ស្ងាត់ មានពន្លឺ ដើម្បីដាក់គ្រែ។ ជៀសវាងដាក់គ្រែទល់មុខនឹងបង្អួច និងទ្វារ ដែលធ្វើឲ្យចំហាយអាក្រក់ប៉ះចំប្ដីប្រពន្ធពេញតែម្ដង ដែលធ្វើឲ្យមានរកាំរកូសកើតឡើង។ ក្រៅពីនេះ គួរតុបតែងមានអំពូលភ្លើងពន្លឺស្រាលៗដាក់នៅជុំវិញ ឲ្យជីវិតប្ដីប្រពន្ធកាន់តែកក់ក្ដៅ។
២. ទិសដាក់គ្រែ
ទិសដាក់គ្រែក៏ជាចំណែកមួយដ៏សំខាន់ដូចគ្នា។ ហាមដាក់ទិសដែលមានជញ្ជាំងមិនស្មើ និងហាមដាច់ខាត គ្រែបែរទៅទិសខាងលិច ត្បិតនេះគឺជាទិសរបស៉អ្នកដែលបានចែកឋានហើយ។ គេងទិសនេះ មិនត្រឹមតែធ្វើឲ្យធ្ងន់ និងឈឺក្បាលនោះទេ ថែមទាំងពិបាករកលុយចូលផ្ទះទៀតផង។ ទិសដែលល្អបំផុតសម្រាប់បែរទៅ គឺទិសខាងកើត។
៣. ប្រភេទគ្រែ
អាស្រ័យតាមធាតុរបស់ម្ចាស់គេហដ្ឋាន និងម្ចាស់គ្រែ អ្នកគួររើសប្រភេទគ្រែដែលស័ក្ដិសមថាជាគ្រែដែក គ្រែឈើ ឬគ្រែចាក់បេតុងជាដើម។ ជាក់ស្ដែង ប្រសិនបើអ្នកធាតុភ្លើង អ្នកគួរជៀសវាងគ្រែដែក ត្បិតធាតុទាំង២នេះឆុងគ្នាជាដើម។
៤. ក្បាលគ្រែ
ក្បាលគ្រែមិនគួរតុបតែងឲ្យរញ៉េរញ៉ៃខ្លាំងពេកនោះឡើយ ដែលធ្វើឲ្យជីវិតគូកាន់តែស្មុគស្មាញ។ ដូចនេះហើយ លើក្បាលគ្រែ អ្នកគួរដាក់រូបបន្តិចបន្តួច និងអំពូលភ្លើងពណ៌ស្រាលៗបានហើយ។ បន្ថែមពីនេះ ជៀសវាងធ្វើទូ ឬហឹបនានានៅក្បាលដំណេក ដែលធ្វើឲ្យជីវិតប្ដីប្រពន្ធមានសម្ពាធ រកតែរឿងឈ្លោះប្រកែកគ្នា៕