ក្រោយបែកធ្លាយរឿងមានប្ដីវ័យ ៧១ឆ្នាំ Fan Bingbing បង្អួតសម្រស់ស្អាតគ្មានអ្នកប្រៀប

2021-04-12 02:55:00
ចំនួនមតិ 0 | ចំនួនចែករំលែក 0

ក្រោយពេលមានព័ត៌មានកំពូលតារាសម្ដែងស្រីចិន Fan Bingbing កំពុងមានកូនជាមួយសេដ្ឋី ៧១ឆ្នាំនោះ នៅពេលនេះ ស្រីស្អាតខាងលើបានបង្ហាញខ្លួន ដោយសម្រស់នៅតែមិនផ្លាស់ប្ដូរ។

មុននេះបន្តិច បណ្ដាញព័ត៌មាន Sina បានចុះផ្សាយពីវត្តមានថ្មីបំផុតរបស់រាជិនីទូរទស្សន៍ចិន Fan Bingbing ដែលនាងមានវត្តមាននៅកន្លែងថតរឿងនៃស្ទូឌីយោមួយនៅក្នុងទីក្រុងប៉េកាំង ប្រទេសចិន។ តាមនោះដែរ នេះគឺជាការបង្ហាញខ្លួនជាផ្លូវការលើកទី១ ក្រោយពេលបែកធ្លាយថា ស្រីស្អាត ៤០ឆ្នាំកំពុងស្ថិតក្នុងចំណងស្នេហាជាមួយសេដ្ឋីវ័យ ៧១ឆ្នាំ។

ប្រភពខាងលើបានឲ្យដឹងថា ទោះបីជានេះគឺជារូបភាពដែលផ្ដិតឡើងពី កាមេរ៉ាធម្មជាតិ គ្មានឆ្លងកាត់ការកាត់តក៏ដោយ តែស្បែករបស់តួរឿង ព្រះនាងយេយេនៅតែសចែងចាំង ដូចគុជ រីឯទម្រង់មុខវិញ គឺគ្មានអ្វីផ្លាស់ប្ដូរទាល់តែសោះ ទោះបីជាបានឈានជើងចូលវ័យ ៤០ហើយក៏ដោយ។

នៅក្នុងកម្រងរូបភាពទាំងនេះដែរ គេសង្កតឃើញថា ពោះរបស់តារាកើតឆ្នាំ ១៩៨១ ហាក់មិនមានភាពធំ ដូចដែលគេបានសង្ស័យថា នាងកំពុងមានផ្ទៃពោះនោះឡើយ ពោលគឺពោះនៅតែរាបស្មើដដែរ។

ទន្ទឹមនឹងការមានសកម្មភាពថ្មីនេះ Fan Bingbing ក៏ក្លាយទៅជា តារាគ្របមុខសម្រាប់ទស្សនាវដ្ដី Life Style លេខចេញផ្សាយខែឧសភាខាងមុខនេះ។ នេះបង្ហាញឲ្យឃើញថា ពីមួយថ្ងៃទៅមួយថ្ងៃ រាជិនីទូរទស្សន៍កាន់តែមានការងារច្រើននៅក្នុងសិល្បៈ ខុសពីឆ្នាំមុនដែលត្រូវគេហាមទាំងស្រុង ក្រោយពេលរឿងអាស្រូវគេចពន្ធ៕