នៅពេលក្នុងចិត្តលែងឈឺហើយ គឺដល់វេលាត្រូវបែកគ្នាហើយ
- 2021-04-11 14:14:00
- ចំនួនមតិ 0 | ចំនួនចែករំលែក 0
នៅពេលក្នុងចិត្តលែងឈឺហើយ គឺដល់វេលាត្រូវបែកគ្នាហើយ
គេថាឈឺចាប់ព្រោះស្រលាញ់ តែបើដល់ពេលដែលបេះដូងរបស់អ្នកឈឺយូរថ្ងៃ ដល់ថ្នាក់ក្លាយជាស្ពឹកលែងទទួលដឹងអារម្មណ៍អីទៀតហើយ គឺដល់ពេលដែលអ្នកចាកចេញពីចំណងមួយនេះហើយ។
អ្នកណាក៏ថាដែរ នៅឈឺគឺនៅស្រលាញ់ ហើយនេះពិតជាមិនខុសឡើយ។ ដោយសារតែស្រលាញ់នេះហើយ ទើបគេធ្វើអ្វីក៏ងាយប៉ះទង្គិចដល់ផ្លូវចិត្តរបស់យើង។ បើលែងស្រលាញ់ហើយ ចង់អ្នកធ្វើអ្វីក៏ខ្ញុំមិនខ្វល់ដែរ។ តែអ្នកមានដឹងទេថា នៅពេលឈឺយូរដល់ថ្នាក់ស៊ាំទៅហើយនោះ ហើយលែងមានអារម្មណ៍ថាឈឺទៀត គឺជាពេលដែលអ្នកគួរបោះបង់នូវមនោសញ្ចេតនាមួយនេះទៅ ព្រោះវាសង្គ្រោះលែងបានហើយ។ ខាងក្រោមនេះគឺជាកាលៈទេសៈមួយចំនួន ដែលអ្នកអាចដើរចេញបាន ដោយលែងមានអ្វីស្ដាយក្រោយ។
១. នៅពេលនៅក្បែរគ្នាលែងជាសុភមង្គល ទោះប្រឹងយ៉ាងម៉េចក៏មិនអាចញញឹមបាន។ នៅពេលនេះ ទោះបីជានៅស្រលាញ់ក៏ពិបាកនឹងនៅបានយូរ ព្រោះតាមការពិត ចិត្តបានសាបរលាបទៅហើយ។
២. ដើមឡើយ អ្នកត្រូវបានគេធ្វើឲ្យរំជួលអារម្មណ៍ តែយូរៗទៅ អារម្មណ៍មួយនេះក៏បាត់ទៅ ហើយនៅពេលជួបមុខគ្នា លែងមានអារម្មណ៍ថារំភើបទៀតហើយ។
៣. នៅពេលក្ដីសង្ឃឹម ប្រែក្លាយទៅជាភាពអស់សង្ឃឹម លែងមានអ្វីឲ្យយើងរំពឹងបានទៀត។ ធ្លាប់គិតថានឹងតស៊ូនឹងគ្នាដល់ទីបញ្ចប់ តែចុងក្រោយ មានតែយើងជាអ្នកប្រឹងប្រែងទៅវិញ។
៤. នៅពេលគ្រប់អាថ៍កំបាំងដែលអ្នកដឹង មិនមែនចេញពីមាត់គេ តែដឹងពីចេញពីអ្នកក្រៅទាំងអស់។ មិនថារឿងល្អ ឬអាក្រក់របស់គេ គឺគេលែងចង់ឲ្យអ្នកដឹង ហើយអ្នកលែងជាជម្រើសទី១សម្រាប់គេ។
៥. នៅពេលគេធ្វើឲ្យអ្នកឈឺច្រើនដងរាប់មិនអស់ រហូតដល់តែអាចស៊ាំនឹងវាបាន ហើយដឹងថាគេនឹងបម្រុងធ្វើអ្វីបន្ទាប់ទៀត តែខ្ជិលនិយាយ ព្រោះកែលែងបានហើយ៕