មិននឹកស្មានសោះ! ភេសជ្ជៈទាំងនេះ ញុំាបានពេលពោះទទេហើយនៅជួយសម្រករាងបានទៀត
- 2021-04-11 00:55:00
- ចំនួនមតិ 0 | ចំនួនចែករំលែក 0
មិននឹកស្មានសោះ! ភេសជ្ជៈទាំងនេះ ញុំាបានពេលពោះទទេហើយនៅជួយសម្រករាងបានទៀត
មនុស្សម្នាក់ៗមានចំណង់អាហារផ្សេងៗគ្នា អាចជាអាហារបួស សាច់ បន្លែ ផ្លែឈើជាដើម។ ទន្ទឹមនឹងនេះ អាហារខ្លះជួយអ្នកបានត្រឹមឆ្អែតតែមួយពេល ឯអាហារខ្លះទៀតធ្វើឲ្យឆ្អែតហើយ នៅជួយសម្រករាងបានថែមទៀត។ ថ្ងៃនេះ អ្នកនឹងបានដឹងពីអាហារមួយចំនួនដែលអ្នកអាចទទួលទានបាននៅពោះទទេហើយធ្វើឲ្យស្រកគីឡូទៀត រួមមាន៖
១ ទឹកក្រូចឆ្មា
ទឹកក្រូចឆ្មាស្រស់ជាមួយនិងទឹកក្តៅអ៊ុនៗគឺល្អពិសេសសម្រាប់ការសម្រកទម្ងន់និងបន្សាបជាតិពុល។ ម្យ៉ាងទៀតទឹកក្រូចឆ្មាជួយឲ្យរាងកាយអ្នកមានជាតិអាសុីតច្រើននិងបង្កើនការរំលាយអាហារល្អ។
២ ទឹកក្រូចឆ្មាលាយទឹកប្រទាលកន្ទុយក្រពើ
ប្រទាលកន្ទុយក្រពើមានសារធាតុប្រឆាំងអុកស៊ីតកម្មល្អប្រសើរដែលអាចជំរុញការរំលាយអាហាររបស់អ្នកនិងបំបាត់ជាតិពុល។ អ្នកអាចធ្វើវាបានដោយគ្រាន់តែ ចិតសំបកវាចេញ រួចកោសយកសាច់ទុក បន្ទាប់មកកិនវាលាយជាមួយទឹកក្រូចឆ្មាមួយស្លាបព្រាបាយ កូរឲ្យសព្វជាការស្រេច។
៣ ទឹកដើមយីហុប
ដើមយីហុបជាគ្រឿងផ្សំដ៏ពេញនិយមនិងមានសារធាតុប្រឆាំងអុកសុីតកម្មច្រើន។ វាមានគុណប្រយោជន៍អស្ចារ្យដូចជា ប្រឆាំងការរលាក កាត់បន្ថយកូលេស្តេរ៉លអាក្រក់ និងទ្រីគ្លីសេរីត និងធ្វើអោយកម្រិតជាតិស្ករក្នុងឈាមប្រសើរឡើង។ អ្នកអាចធ្វើវាបានដោយគ្រាន់តែដាក់វាចំនួន ១២០ មីលីក្រាម ទៅក្នុងទឹកក្តៅមួយពែងនិងលាយអោយសព្វ។
៤ តែបៃតង
តែបៃតងទំនងជាជួយបង្កើនការរំលាយអាហារនិងផ្តល់សារធាតុប្រឆាំងអុកស៊ីតកម្ម លាយនឹងទឹកឃ្មុំក៏មានផ្ទុកនូវសារធាតុប្រឆាំងនឹងអុកស៊ីតកម្មនិងអាចជួយដុតបំផ្លាញជាតិខ្លាញ់ផងដែរ។ បន្ថែមទឹកក្រូចឆ្មាបន្តិចដើម្បីទទួលបានអត្ថប្រយោជន៍លើសនេះ។
៥ ទឹកស្មៅស្រូវសាលី
បើអ្នកមានស្មៅស្រូវសាលី អាចយកពីរ ទៅ បី ដើម រួចច្របាច់វានិងបន្ថែមទឹកក្រូចឆ្មាបីបួនដំណក់ ប្រសិទ្ធភាពនឹងជួយអ្នកស្រកគីឡូ។
៦ ទឹកម្សៅធញ្ញជាតិ oat
ដាំស្រូវសាលី oat លាយនឹងទឹកដាំឲ្យពុះជាទឹកស្រូវសាលី រួចទុកឲ្យត្រជាក់សិន ទើបទទួលទាន។ ធ្វើបែបនេះនឹងជួយឲ្យអ្នកមើលទៅស្លីម។
៧ ទឹកបន្លែ
ប្រសិនបើអ្នកអាចធ្វើទឹកការ៉ុត ត្រសក់ ឬឆៃថាវដោយខ្លួនឯងវាជួយឲ្យក្រពះដែលមានសុខភាពល្អ។ អ្នកនឹងមានអារម្មណ៍ថាឆ្អែត ទទួលបានសារធាតុចិញ្ចឹមយ៉ាងងាយស្រួលជាមួយនឹងបរិមាណកាឡូរីទាបនិងទទួលទានទឹកពេញមួយកែវ។