រើសបៀរមួយសន្លឹកដើម្បីដឹងថា អ្នករឹងក្បាលដល់កម្រិតណា
- 2021-04-09 03:35:00
- ចំនួនមតិ 0 | ចំនួនចែករំលែក 0
រើសបៀរមួយសន្លឹកដើម្បីដឹងថា អ្នករឹងក្បាលដល់កម្រិតណា
ដើម្បីដឹងថា អត្រាភាគរយដែលអ្នកចង់ឈ្នះគេដល់កម្រិតណា សូមហូតយកសន្លឹកបៀរមួយសន្លឹក។
១. The Moon
មួយសន្លឹកនេះបង្ហាញឲ្យឃើញថា អ្នកមិនមែនជាមនុស្សរឹងរូសនោះឡើយ។ យ៉ាងណាក្ដី អ្នកជាមនុស្សខ្វះភាពមោះមុតនៅពេលត្រូវសម្រេចរឿងអ្វីមួយ ដោយខ្លួនឯង។ នៅពេលត្រូវប្រឈមមុខនឹងការជ្រើសរើសអ្វីមួយ អ្នកងាយនឹងរងផលប៉ះពាល់ពីមជ្ឈដ្ឋានជុំវិញ។
២. The Sun
មួយសន្លឹកនេះប្រាប់ថា អ្នកជាមនុស្សរឹងគ្រាន់បើ តែអ្នកទៅជាបែបនេះ សម្រាប់តែចំពោះប្រធានបទដែលអ្នកយល់ដឹងច្បាស់លាស់តែប៉ុណ្ណោះ។ ចំពោះប្រធានបទផ្សេងៗ ភាគច្រើនអ្នកមិនសូវចាប់អារម្មណ៍ឡើយ។ អ្នកឆាប់ក្ដៅ តែមិនមែនជាមនុស្សដែលចេះគុំយូរ។
៣. The Devil
អ្នកគឺជាមនុស្សដែលរឹងជាទីបំផុត។ នៅពេលដែលសម្រេចអ្វីមួយហើយ មិនអាចមានអ្នកណាអាចមកផ្លាស់ប្ដូរអ្នកបានឡើយ។ នៅពេលដែលអ្នកខ្លួនឯងផ្ទាល់ដឹងថា រឿងនោះមិនប្រក្រតី អ្នកក៏នៅតែធ្វើ មិនរវល់នឹងសម្ដីអ្នកដទៃឡើយ។ ប្រាកដណាស់ រឿងនេះអាចនាំឲ្យអ្នកជោគជ័យ ក៏ដូចជាបរាជ័យដូចគ្នា។
៤. The Magician
សន្លឹកមួយនេះ ចង់ប្រាប់ថា អ្នកជាមនុស្សរស់នៅចេះបត់បែន និងអាចសម្រេបខ្លួនបានល្អ។ អ្នកជាមនុស្សចិត្តស្ងប់ និងជាមនុស្សមានគំនិតចាស់ជាងវ័យ។ អ្នកពូកែស្ដាប់ និងគោរពការសម្រេចចិត្តរបស់អ្នកដទៃ។ អ្នកច្បាស់លាស់នៅពេលត្រូវធ្វើការសម្រេចចិត្ត។ នៅក្នុងចំណោមមិត្តភក្ដិ អ្នកជាមនុស្សដើរតួសម្របសម្រួលឲ្យអ្នកដទៃ៕