រូបសម្បត្តិរបស់ Dilraba ត្រូវគេប្រៀបធៀប ពេលប៉ះនឹងតារាស្រករក្រោយក្នុងរឿងថ្មី

2021-04-05 03:30:00
ចំនួនមតិ 0 | ចំនួនចែករំលែក 0

ទស្សនិកជនពីមុនដែលតែងតែថាឲ្យតារាសម្ដែងស្រីវ័យក្មេង Zhao Lusi ថាធាត់នោះ នៅពេលនេះបានវិលត្រលប់មកសរសើរនាងវិញ នៅក្នុងរឿងថ្មីដែលសម្ដែងជាមួយតារាសម្ដែងស្រីជួរមុខចិន Dilraba។

គ្រាន់តែខ្សែភាពយន្តបុរាណចិន The Long Ballad ត្រូវបានចាក់ផ្សាយភ្លាម រឿងនេះទទួលបានចំណាប់អារម្មណ៍ភ្លែត ត្បិតតួឯកស្រីនៅក្នុងរឿងនេះ គឺជាតារាសម្ដែងស្រីលំដាប់ A Dilraba។ យ៉ាងណាក្ដី ខណៈមុនពេលចាក់ផ្សាយ គ្រប់ចំណាប់អារម្មណ៍គឺស្ថិតលើស្រីស្អាតវ័យ ២៨ឆ្នាំនោះ ក្រោយពេលចាក់ផ្សាយរួច អ្នកដែលបានទស្សនិកជនមើលមិនដាក់ភ្នែកនោះ បែរជាស្រីស្អាតទើបឡើងកូដ Zhao Lusi ទៅវិញ។

តាមនោះដែរ នៅក្នុងឈុតឆាកតែមួយ សម្រស់របស់ Dilraba ត្រូវបានគេវាយតម្លៃថាចាស់ជាងអាយុ និងមានស្នាមជ្រួញច្រើន ក៏ដូចជាការតែងខ្លួនមិនសមនឹងរឿងជាដើម។ ផ្ទុយមកវិញ តារាសម្ដែងស្រីកើតឆ្នាំ ១៩៩៨ ត្រូវបានគេសរសើរថា មានសម្រស់មិនចាញ់តារារៀមច្បងនានា ហើយសម្រស់នាងគឺវ៉ាដាច់ តារាកូនកាត់ដែលជាតួឯកស្រីទៀតផង។

ទស្សនិកជនបានសន្និដ្ឋាន បើស្ថានភាពនៅតែបន្តបែបនេះ ទម្រាំរឿងបញ្ចាំងចប់ កេរ្តិ៍ឈ្មោះរបស់ Zhao Lusi ប្រាកដជាល្បីផ្ទុះច្បាស់ជាមិនខាន។ មុននោះដែរ ស្រីស្អាតវ័យ ២២ឆ្នាំតែងត្រូវគេបង្អាប់ត្បិតមានរាងធំ និងគីឡូច្រើន តែក្រោយពេលសម្រកគីឡូបានសម្រេច សម្រស់របស់នាងគឺមិនចាញ់តារាជួរមុខណាឡើយ៕