ធ្លាយព័ត៌មាន Fan Bingbing ជិតចូលរោងការ
- 2021-04-01 03:28:00
- ចំនួនមតិ 0 | ចំនួនចែករំលែក 0
ធ្លាយព័ត៌មាន Fan Bingbing ជិតចូលរោងការ
ជាថ្មីម្ដងទៀត ជីវិតឯកជនរបស់កំពូលតារាសម្ដែងស្រីចិន Fan Bingbing បានជួបនូវរឿងអាស្រូវពាក់ព័ន្ធនឹងសេដ្ឋីម្នាក់។
កាលពីថ្ងៃទី ៣១ ខែមីនាកន្លងទៅនេះ បណ្ដាញព័ត៌មាន 163 បានធ្វើឲ្យអ្នកគាំទ្ររបស់រាជិនីទូរទស្សន៍ចិន Fan Bingbing ភ្ញាក់ផ្អើលជាខ្លាំង ដោយសារប្រភពមួយនេះបានចុះអត្ថបទមួយដោយដាក់ចំណងជើងថា៖ Li Chen បានក្លាយជាអតីតកាលទៅហើយ Fan Bingbing ត្រៀមចូលរោងការជាមួយសេដ្ឋីវ័យ ៧១ឆ្នាំ។
មិនត្រឹមប៉ុណ្ណោះ 163 ក៏បានទម្លាយពីជីវិតរបស់ស្រីស្អាតរូបនេះក្រោយពេលបែកគ្នាជាមួយតារាសម្ដែងប្រុស Li Chen ផងដែរ ដោយប្រភពនេះបានឲ្យដឹងថា ដោយសារតែចំណងជាមួយតួរឿង មហិច្ឆតាអ៊ូម៉ីនាងមិនបានផ្លែផ្កា ធ្វើឲ្យរាជិនីសិល្បៈវ័យ ៤០ឆ្នាំ បាត់បង់ជំនឿលើស្នេហា តែពេលនេះនាងត្រៀមខ្លួនរៀបការនឹងសេដ្ឋីវ័យ ៧១ឆ្នាំ ដែលចាស់ជាងឪពុករបស់នាង និងកំពុងពពោះផងដែរ។
បណ្ដាញព័ត៌មានមួយនេះ ក៏ញ៉ាំងបន្ថែមថា កូនក្នុងផ្ទៃរបស់តួរឿង ព្រះនាងយេយេក៏ធំគួរសមហើយដែរ ពោលគឺជាងខែទី៥ហើយ។ មូលហេតុដែលធ្វើឲ្យនាងសម្រេចចិត្តរៀបការនឹងអ្នកដែលមានអាយុបងខ្លួននេះ គឺនាងមិនចង់រវីរវល់ និងតែលតោលច្រើនទៀត ទើបសម្រេចចិត្តផ្ញើខ្លួន ផ្ញើប្រាណនឹងសេដ្ឋីរូបនេះតែម្ដង។ ពាក់ព័ន្ធនឹងព័ត៌មានមួយនេះ ភាគីរបស់តារាស្រីកើតឆ្នាំ ១៩៨១ មិនទាន់ចេញមុខឆ្លើយតបអ្វីឡើយ៕