យើងទាំងអស់គ្នាពិតជាធ្លាប់បានជួបរួចមកហើយជាមួយភាពឈ្លើយរបស់នរណាម្នាក់ធ្វើមកលើយើង។ សឹងតែទាំងអស់គ្នាហើយដែលបានធ្វើ ឬជួបប្រទះរឿងទាំងនេះមិនថានៅកន្លែងធ្វើការ សាលា ឬទីសាធារណៈឡើយ។ ការទទួលរងការស្រែកដាក់ បញ្ជា ស្តីឲ្យ ឬក៏ទម្លាក់កំហុសដោយគ្មានហេតុផលនោះ វានឹងធ្វើឲ្យអ្នកមានអារម្មណ៍ថាអាក់អន់ចិត្ត ខឹង និងបាក់ទឹកចិត្តជាមួយទេ។ មនុស្សខ្លះអាចនឹងធ្វើការឆ្លើយតមទៅនឹងទង្វើទាំងនោះវិញទាំងកំហឹងដែលជាហេតុបង្កឲ្យមានបញ្ហាឬជម្លោះ។

ទាំងនេះជាពាក្យពេចន៍ដែលអាចជួយឲ្យអ្នកធ្វើការឆ្លើយតមទៅកាន់មនុស្សប្រភេទនេះបានដោយសន្តិវិធី និងធ្វើឲ្យអ្នកមើលទៅជាមនុស្សចេះដឹងខ្ពស់៖

• បើអ្នកឯងគ្មានពាក្យអ្វីល្អៗដែលត្រូវនិយាយទេ កុំនិយាយវាចេញល្អជាង
• បើអ្នកឯងមិនចេះប្រើពាក្យគួរសមទេ ចាំពេលចេះ ចាំមកនិយាយជាមួយខ្ញុំ
• គួរតែធ្វើការគិតឡើងវិញទៅលើអ្វីដែលខ្លួនទើបតែបាននិយាយចេញមកផង
• ខ្ញុំអនុគ្រោះឲ្យភាពឈ្លើយរបស់អ្នកចុះ ពីព្រោះវាជាលើកដំបូង
• ខ្ញុំមិនចូលចិត្តឲ្យនរណាម្នាក់និយាយដាក់ខ្ញុំបែបនឹងទេ
• ខ្ញុំដឹងថាអ្នកមានអារម្មណ៍មិនល្អ ខឹង តែមិនគួរប្រើពាក្យឈ្លើយៗមកដាក់ខ្ញុំទេ
• ហើយគួរគិតឲ្យបានមែនទែនមុននឹងនិយាយអ្វីមួយទៅកាន់នរណាម្នាក់នោះ

មិនចាំបាច់និយាយ ឬធ្វើអ្វីដើម្បីកែលំអជាមួយមនុស្សដែលឈ្លើយនោះទេ ធ្វើអ្វីដែលអ្នកអាចគ្រប់គ្រងស្ថានភាពបានល្អ។ ប្រសិនបើស្ថានភាពកាន់តែយ៉ាប់យឺននោះគួរតែបញ្ឈប់ការសន្ទនាជាមួយមនុស្សឈ្លើយនោះ បើសិនជាអាចគួរដើរចេញទៅ។ គ្មានអ្នកចាញ់ឈ្នះឡើយ តែវាជាទង្វើដែលមនុស្សចេះដឹងធ្វើ៕

រូបភាព៖ Freepik

អានបន្ត៖

• ធាតុពីរយ៉ាងដែលមនុស្សឥឡូវត្រូវការជាចាំបាច់
• រឿង ៤ យ៉ាងដែលអ្នកអាចធ្វើឲ្យជីវិតអ្នកដទៃបានប្រសើរជាងមុន