ទស្សនៈ ៧ ចំណុចតូចៗតែមានន័យ ដែលបុរសគិតថានារីគួរតែដឹង
- 2021-03-27 08:23:00
- ចំនួនមតិ 0 | ចំនួនចែករំលែក 0
ទស្សនៈ ៧ ចំណុចតូចៗតែមានន័យ ដែលបុរសគិតថានារីគួរតែដឹង
នារីៗច្រើនមានការគិតផ្សេងគ្នាពីបុរស មិនថារឿងស្នេហា ការតែងខ្លួន និង រឿងជាច្រើនទៀត។ តែការគិតខុសគ្នានោះមិនមែនមានន័យថា ភាគីមួយណាខុសនោះទេ គឺគ្រាន់តែពួកគេមានទស្សនៈផ្សេងគ្នាតែប៉ុណ្នោះ។ យ៉ាងណាមិញ យើងគួររៀនយល់ពីទស្សនៈគ្នារៀងខ្លួនទើបធ្វើឱ្យការរស់នៅចុះសម្រុងគ្នា និង សប្បាយចិត្តទាំងសងខាង។ ពាក់ព័ន្ធនឹងរឿងនេះផងដែរ បុរសមានទស្សនៈ ៧ ចំណុចតូចៗដែលចង់ឱ្យនារីដឹង៖
**១.** នារីគឺ ស្រស់ស្អាតខ្លាំងពេលពួកគេចងសក់
២. នារីគួរទិញ ឬ កម្មង់អ្វីដែលខ្លួនស្រលាញ់និងចូលចិត្ត ដោយមិនចាំបាច់ខំសម្របតាមបុរសពេកទេ
៣. ពេលទៅដើរលេងជាមួយគ្នា នារីគួរបង្ហាញថា នាងក៏ចង់ចេញលុយដែរ មិនមែនអង្គុយចាំភាគីបុរសចេញឱ្យរហូតនោះទេ
៤. នារីមិនគួរស្តាប់ ឬ ជឿសម្តីមិត្តភ័ក្តរបស់សង្សាឬប្តីទេ ព្រោះមិត្តភ័ក្តរបស់ពួកគេច្រើននិយាយលេងសើច ដែលពេលខ្លះមិនពិតសោះ
៥. បុរសភាគច្រើនមិនចូលចិត្តការបរាជ័យនោះទេ ដូច្នេះបើអ្នកយកឈ្នះពួកគេនូវរឿងអ្វីមួយ សូមកុំសើចចម្អកពួកគេអី ព្រោះពួកគេក៏ចេះពិបាកចិត្តដែរ ថ្វីត្បិតតែមិនសូវបញ្ចេញក៏ដោយ
៦. នារីគួរនិយាយចេញនូវអារម្មណ៍របស់ពួកគេទៅកាន់បុរសឱ្យចំៗ ព្រោះបុរសៗមិនអាចទស្សន៍ទាយនូវការគិតរបស់នារីបានទេ ទោះជាពេលខ្លះនារីៗខំឱ្យជាសញ្ញាយ៉ាងណាក៏ដោយ
៧. បុរសចូលចិត្តការបង្ហាញនូវភាពស្និទស្នាលនៅសាធារណៈ ដូច្នេះ ពួកគេមានការពេញចិត្តជាខ្លាំង នៅពេលនារីដែលខ្លួនស្រលាញ់បញ្ចេញនូវកាយវិការផ្អែមល្ហែម និង ស្និទស្នាលទៅកាន់គេ៕
ចុចអានបន្ត៖ មនុស្សស្រីមានសង្សារ ឬ ប្តីហើយ គួររាប់អានមិត្តភ័ក្តប្រុសអត់?