Zheng Shuang កំពុងនៅអាមេរិក ដើម្បីសិទ្ធិចិញ្ចឹមកូនវិញ រាងស្គមស្គាំងខ្លាំង

2021-03-24 03:18:00
ចំនួនមតិ 0 | ចំនួនចែករំលែក 0

អតីតតារាសម្ដែងស្រីល្បីឈ្មោះចិន Zheng Shuang បានធ្វើដំណើរទៅសហរដ្ឋអាមេរិកដើម្បីចូលរួមក្នុងសាវនាការកាត់ក្ដីសិទ្ធិចិញ្ចឹមកូនរបស់ខ្លួន។

កាលពីព្រឹកថ្ងៃទី ២៣ ខែមីនាមុននេះ បណ្ដាញព័ត៌មាន Sina បានរាយការណ៍ថា សាវនាការកាត់ក្ដីរបស់តារាសម្ដែងស្រីចិន Zheng Shuang និងអតីតមិត្តប្រុសរបស់នាង លោក Zhang Heng ទើបតែត្រូវបានប្រព្រឹត្តឡើងនៅទីក្រុង Denver រដ្ឋ Colorado សហរដ្ឋអាមេរិក។ ខុសពីសព្វមួយដងដែលគូភាគីទាំងសងខាងមិនដែលចូលរួមផ្ទាល់ ហើយឲ្យតែតំណាងមេធាវីរបស់ខ្លួនចូលរួមនោះ នៅលើកនេះ អ្នកទាំង២គឺមកដោយផ្ទាល់ទាំងអស់។

នៅរសៀលថ្ងៃដដែល រូបភាពតួរឿង F4 ចាកចេញពីតុលាការទទួលបានការចាប់អារម្មណ៍យ៉ាងខ្លាំង។ ទោះបីជាពាក់ម៉ាសឡើងជិតក៏ដោយ តែគេសង្កេតឃើញថា អ្នកម្ដាយកូន២មានរាងស្គមខ្លាំងគួរឲ្យសង្វេគ។ ប្រភពព័ត៌មានដដែលបានឲ្យដឹងថា ក្រោយពេលកាត់ក្ដីរួច អារម្មណ៍របស់តារាស្រីវ័យ៣០ឆ្នាំហាក់មិនសូវល្អឡើយ។

នៅក្នុងការកាត់ក្ដីនេះដែរ សិល្បការិនីរូបនេះទទួលស្គាល់ថាខ្លួនគឺជាសង្សារចាស់របស់ Zhang Heng និងពិតជាបានជួលគេឲ្យកើតកូនជំនួសមែន ដោយសារបញ្ហាសុខភាព។ យ៉ាងណាក្ដី ដោយសារតែមានគំនិតលែងដូចគ្នា ទើបពួកគេសម្រេចចិត្តបែកគ្នា៕