បើមិនចង់ឲ្យគេស្អប់រហូតទេ មនុស្សស្រីកុំធ្វើចរិតបែបនេះអី

2021-03-23 07:58:00
ចំនួនមតិ 0 | ចំនួនចែករំលែក 0

នេះជារឿងដែលស្វាមីមិនចង់ឲ្យប្រពន្ធធ្វើនោះទេ នៅពេលរៀបការជាមួយគ្នារួច។

១. រិះគន់ប្តីនៅចំពោះមុខអ្នកដទៃ

រស់នៅជាមួយគ្នាយូរទៅ ប្រាកដជាចៀសមិនផុតពីបញ្ហានឹងគ្នាទេ តែយ៉ាងណាដាច់ខាតកុំរិះគន់ប្តីនៅចំពោះមុខសាច់ញាតិ និងមិត្តភក្កិឲ្យសោះ។ បើគិតថា ការធ្វើបែបនេះដើម្បីឲ្យគាត់ដឹងខ្លួន នោះគឺជាការគិតខុសធំបំផុត ព្រោះអ្នកកំពុងបំផ្លាញផ្លូវចិត្តខាងក្នុងរបស់គាត់ ព្រមទាំងជះឥទ្ធិពលឲ្យអ្នកដទៃហ៊ានមើលងាយប្តីរបស់អ្នក។

២. ជ្រៀតជ្រែកពេលវេលាផ្ទាល់ខ្លួនរបស់ស្វាមី

ពេលហត់នឿយ អ្នកប្រាកដជាចង់មានពេលវេលាផ្ទាល់ខ្លួន តើមែនទេ? ស្វាមីរបស់អ្នកក៏ដូចគ្នា គាត់ក៏ចង់មានពេលវេលាដើម្បីស្តារថាមពល និងរកចន្លោះសម្រាប់ខ្លួនឯងដែរ។

៣. តាមចិត្តខ្លួនឯងហួសហេតុ

នៅពេលអ្នកចង់ឲ្យគាត់ធ្វើអ្វីមួយ តែគាត់មិនទាន់ធ្វើឲ្យអ្នកភ្លាមៗ ប្រហែលជាអ្នកខឹងគាត់ណាស់មែនទេ? ប្រសិនបើអ្នកបង្ហាញអាកប្បកិរិយារឹងរូស ទទឹងទទេង ឡូឡាថែមទៀតមិនថានៅទីសាធារណៈនោះ ប្តីរបស់អ្នកច្បាស់ជាស្អប់អ្នកបំផុត។ មិនត្រឹមតែប៉ុណ្ណោះ គាត់ថែមទាំងលែងចង់ចេញទៅក្រៅជាមួយអ្នកទៀត។

៤. ឲ្យភ្នែកដាក់ប្រុសដទៃ

ស្វាមីរបស់អ្នកច្បាស់ជាមិនសប្បាយចិត្តនោះទេ នៅពេលឃើញអ្នកទៅជជែកលេងជាមួយបុរសដទៃ។ ទោះបីជាមិត្តស្និទ្ធស្នាលនឹងគ្នាក៏ដោយ ក៏គាត់មានអារម្មណ៍ប្រច័ណ្ឌដែរ។

៥. បង្កើតសង្គ្រាមត្រជាក់

ថ្វីដ្បិតតែពេលខឹង មនុស្សគ្រប់គ្នាចង់នៅស្ងៀមស្ងាត់ តែបើអ្នករក្សាភាពស្ងៀមស្ងាត់យូរពេក នឹងធ្វើឲ្យគាត់មានអារម្មណ៍ថាខ្លួនឯងមានកំហុស និងអាក់អន់ចិត្តយ៉ាងខ្លាំង។ ត្រូវចាំថា គ្មានស្វាមីណាចូលចិត្តគ្រួសារសង្គ្រាមត្រជាក់នោះទេ ហើយបើអ្នកតែងតែធ្វើ នោះគាត់នឹងឆ្ងល់ថា តើអ្នកកំពុងកើតអី?

៦. សួរប្តីថា នៅស្រលាញ់ទៀតអត់បើអ្នកធាត់?

មិនថាអ្នកធាត់ឬស្គមនោះទេ អ្នកត្រូវតែយល់ថា ស្វាមីរបស់អ្នកនៅតែស្រលាញ់អ្នកដដែរ។ ដូច្នេះ កុំសួរសំនួរច្រំដែល ព្រោះពិតជាគួរឲ្យធុញណាស់។ គាត់ចង់ឃើញអ្នកមានទំនុកចិត្តលើខ្លួនឯង មិនមែនចេះតែបារម្ភរឿងធាត់នោះទេ។

៧. ប្រៀបធៀបប្តីនិងអ្នកផ្សេង

បើអ្នកមានទម្លាប់ប្រៀបធៀបប្តីខ្លួនឯងនឹងអ្នកដទៃ សូមបញ្ឈប់វាក្នុងពេលឥលូវនេះភ្លាម។ គ្មាននរណាចូលចិត្តឲ្យប្រពន្ធមកប្រៀបធៀបខ្លួនឯងនឹងបុរសដទៃឡើយ ព្រោះបញ្ជាក់ថា អ្នកមិនអាចទទួលយកភាពជាខ្លួនគាត់បាន ហើយមានតែធ្វើឲ្យស្វាមីអ្នកឈឺចាប់ និងក្រៀមក្រំដោយសារអ្នកប៉ុណ្ណោះ។

៨. លួចទាក់ទងអតីតសង្សរនៅក្រោយខ្នងស្វាមី

ការសម្រេចចិត្តនៅរាប់អានគ្នាជាមិត្តជាមួយ Ex គឺមិនខុសឡើយ តែបើអ្នកលាក់ប្តីហើយបន្តទំនាក់ទំនងស្នេហាជាមួយ Ex នោះជាកំហុសមិនអាចលើកលែងបាន។ នេះជាទង្វើដែលបំផ្លាញសុភមង្គលគ្រួសារ យ៉ាងខ្លោចផ្សារជាទីបំផុត៕

ប្រភព៖ phunuvagiadinh ប្រែសម្រួល៖ លឹម សុនា