តើគួរថែរក្សាកូនតូចយ៉ាងដូចម្តេចអំឡុងពេលធ្វើការនៅផ្ទះ?

2021-03-22 02:55:00
ចំនួនមតិ 0 | ចំនួនចែករំលែក 0

នាពេលបច្ចុប្បន្ននេះ បុគ្គលិកនៅតាមស្ថាប័ន ក្រុមហ៊ុននីមួយៗភាគច្រើនតម្រូវឲ្យបុគ្គលិករបស់ខ្លួនធ្វើការនៅតាមផ្ទះដើម្បីកាត់បន្ថយហានិភ័យឆ្លងនៃជំងីកូរ៉ូណា។ ហេតុដូចនេះហើយ សម្រាប់អ្នកម៉ាក់ដែលមានបុត្រធីតាតូចៗក៏ត្រូវមើលថែរក្សាកូនៗជាងធម្មតាព្រោះនៅតាមសាលានីមួយៗក៏បានផ្អាកដំណើរការមួយរយៈសិន។ ដូច្នោះ ស្របពេលនេះការធ្វើការនៅផ្ទះអាចធ្វើឲ្យអ្នកម៉ាក់មួយចំនួនពិបាកគ្រប់គ្រងកូនតូចៗ។ ដើម្បីមើលថែរក្សាកូនតូចៗអំឡុងពេលធ្វើការនៅផ្ទះឲ្យមានប្រសិទ្ធភាពនោះ អ្នកអាចអនុវត្តតាមវិធី ៥ ចំណុចនេះរួមមាន៖

រូបតំណាង

**១. ជូនដំណឹងដល់កន្លែងធ្វើការ**

អំឡុងពេលធ្វើការនៅផ្ទះ ការទាក់ទងជាមួយក្រុមការងារគួរតែជារឿងដែលត្រូវធ្វើ។ ការជូនដំណឹងទៅក្រុមការងារពិសេសចៅហ្វាយរបស់អ្នកមុនថានៅផ្ទះរបស់អ្នកមានក្មេងតូចដែលអាចបង្កជាសំលេងក្នុងពេលណាមួយ។ ដូច្នោះប្រសិនបើអ្នកជូនដំណឹងនេះទៅដល់ក្រុមការងារមុននោះគេអាចនឹងមិនឆ្ងល់ក៏ដូចជាអ្នកអាចមានវិធានការការពារក្មេងៗកុំឲ្យបង្កសំលេងរំខានបាន។

២. រកអ្នកមើលថែក្មេងៗ

ប្រសិនបើកូនរបស់អ្នកនៅតូចខ្លាំង វាពិតជាចំាបាច់ណាស់ដែលគួរតែមាននរណាម្នាក់មើលថែជិតដិតឲ្យបានល្អ។ ក្មេងតូចៗរពឹសណាស់ដូច្នោះបើអ្នកមិនមានអ្នកថែទាំឲ្យបានដិតដល់ អ្នកប្រាកដជាលំបាកក្នុងការមើលថែនិងអាចប៉ះពាល់ដល់ម៉ោងធ្វើការទៀតផង។

៣. ស្វែងរកសកម្មភាពឲ្យក្មេងៗលេង

ប្រសិនបើក្មេងៗនៅទំនេរមិនធ្វើអ្វី ពួកគេនឹងមករកអ្នកអំឡុងពេលធ្វើការ។ ប៉ុន្តែបើពួកគេមានរបស់របរក្មេងលេង ពួកគេច្បាស់ណាស់នឹងមិនមករំខានអ្នកឡើយ។ ដូច្នោះអ្នកអាចជ្រើសរើសយករបស់ក្មេងលេងណាមួយឲ្យសមនឹងអាយុរបស់ពួកគេ។

៤. បែងចែកកន្លែងសម្រាប់ក្មេងៗ

រូបតំណាង

នៅក្នុងផ្ទះ អ្នកប្រាកដជាមានបន្ទប់ផ្សេងៗគ្នាដូចជាបន្ទប់គេង បន្ទប់ទទួលភ្ញៀវ ឬទីធ្លាមុខផ្ទះជាដើម។ អ្នកអាចកំណត់ឲ្យកូនៗចេះគោះទ្វារមុនពេលចូលបន្ទប់ ឬបែងចែកបន្ទប់ដាច់ដោយឡែកពីគ្នាដើម្បីកុំឲ្យរំខានដល់ការធ្វើការ។

៥. ផ្តលរង្វាន់សម្រាប់កូនៗស្តាប់បង្គាប់

នៅពេលអ្នកបែងចែកពេលវេលានិងទីកន្លែងសម្រាប់ធ្វើការបានល្អហើយ។ វាក៏ជាពេលអ្នកគ្មានអ្វីមករំខានដល់ការធ្វើការងាររបស់អ្នកដែរ ហេតុដូច្នោះ ដើម្បីជារង្វាន់លើកទឹកចិត្តសម្រាប់កូនៗស្តាប់បង្គាប់អ្នកអាចឲ្យកាដូសម្រាប់កូនៗបាន៕

រូបភាព៖ Pinterest

ចុចអានបន្ត៖

ចង់បង្កើនភាពផ្អែមល្ហែមជាមួយស្វាមី ប្រពន្ធគួរមានរបស់ទាំងនេះក្នុងបន្ទប់គេង

ប្រភព៖ Sanook ប្រែសម្រួល៖ សុវណ្ណ ស្រីពីន