ហ្វេនរាជិនីប្រណាំងម៉ូតូជប៉ុនស្ទើគាំងបេះដូង ព្រោះតាមពិតនាងគឺជាមនុស្សប្រុស
- 2021-03-19 02:30:00
- ចំនួនមតិ 0 | ចំនួនចែករំលែក 0
ហ្វេនរាជិនីប្រណាំងម៉ូតូជប៉ុនស្ទើគាំងបេះដូង ព្រោះតាមពិតនាងគឺជាមនុស្សប្រុស
អ្នកគាំទ្ររបស់រាជិនីប្រណាំងម៉ូតូជប៉ុន ស្ទើតែមិនជឿនឹងភ្នែកខ្លួនឯងក្រោយពេលឃើញ Idol របស់ខ្លួនពិតនៅខាងក្រៅ។
មុននេះបន្តិច ក្រុមអ្នកគាំទ្ររបស់ម៉ូដែលប្រណាំងម៉ូតូជប៉ុន Azusaga kuyuki បានធ្វើឲ្យហ្វេនរបស់នាងទូទាំងទ្វីបអាស៊ីភ្ញាក់ផ្អើលជាខ្លាំង ក្រោយពេលបង្ហាញរូបនាងពិតដោយមិនប្រើកម្មវិធីកាត់តរូបភាព។
ចាប់ផ្ដើមលេង បណ្ដាញសង្គម Twitter តាំងពីខែមករា ឆ្នាំ២០១៩ តារាប្រណាំងម៉ូតូស្រីរូបនេះ ទទួលបានការចាប់អារម្មណ៍ជាខ្លាំង ក្រោយពេលបង្ហោះរូបសិចស៊ីរបស់ខ្លួននៅលើបណ្ដាញសង្គមមួយនេះ។ ក្រោយរយៈពេលដ៏ខ្លី ស្រីស្អាតរូបនេះទទួលបានចំនួនហ្វេនច្រើនគួរឲ្យកត់សម្គាល់។
យ៉ាងណាក្ដី មុននេះបន្តិច អ្នកគាំទ្រម្នាក់បានជួបនាងផ្ទាល់នៅខាងក្រៅ ហើយស្ទើតែមិនជឿនឹងអ្វីដែលខ្លួនបានឃើញ ត្បិតមនុស្សស្រីដែលលោកតែងតែគិតដល់នោះ តាមការពិតគឺជាលោកពូអាយុ៥០ឆ្នាំម្នាក់ទៅវិញ។ តាមការបកស្រាយរបស់អ្នកប្រណាំងម៉ូតូមួយនេះ មូលហេតុដែលធ្វើឲ្យលោកកាត់តរូបខ្លួនបែបនេះ គឺលោកចង់ទទួលបានចំណាប់អារម្មណ៍ឲ្យច្រើន។ លោកបន្ថែមថា លោកបម្រុងក្លែងបន្លំតែរយៈពេលខ្លីទេ តែក្រោយពេលមានហ្វេនច្រើនពេកក៏ចេះតែផុងទៅៗ រហូតដកខ្លួនលែងរួច។
លោកក៏ចេញមុខសូមទោសដល់អ្នកគាំទ្ររបស់ខ្លួនទាំងអស់ដែលបានកុហកពួកគេតាំងពីដើមមក៕