ងាយៗ! សាច់ជ្រូកចង្កាក់អាំង អាចធ្វើញ៉ាំនៅផ្ទះបានមិនចំនាយកំលាំងច្រើន
- 2021-03-17 02:07:00
- ចំនួនមតិ 0 | ចំនួនចែករំលែក 0
ងាយៗ! សាច់ជ្រូកចង្កាក់អាំង អាចធ្វើញ៉ាំនៅផ្ទះបានមិនចំនាយកំលាំងច្រើន
សម្រាប់សាច់ជ្រូកអាំងបែបនេះសក្ដិសមទទួលទាន ជាមួយអាហារពេលព្រឹកបំផុត ថែមតែជ្រក់ត្រជាក់ស្រួយៗ៖
គ្រឿងផ្សំ៖
សាច់ជ្រូក ១ គីឡូក្រាមហាន់ជាបន្ទះស្ដើងល្មម
រំដេង ២ ស្លាបព្រាបាយ
ខ្ទឹមសចិញ្រ្ចាំ ៣ ស្លាបព្រាបាយ
ទឹកដោះគោស្រស់ ៨ ស្លាបព្រាបាយ
ប្រេងខ្យង ៤ ស្លាបព្រាបាយ
ទឹកស៊ីអ៊ីវ ២ ស្លាបព្រាបាយ
ទឹកស៊ីអ៊ីវផ្អែម ២ ស្លាបព្រាកាហ្វេ
អំបិល ២ ស្លាបព្រាកាហ្វេ
ស្ករត្នោត ២ ស្លាបព្រាបាយ
ប្រេងឆា ២ ស្លាបព្រាបាយ
ម្ស៉ៅឆា ២ ស្លាបព្រាបាយ
របៀបធ្វើ៖
១. ចិញ្រ្ចាំ ខ្លឹមស និង រំដេងអោយម៉ត់ល្មមរួចទុកមួយឡែក។
២. លាយទឹកដោះគោស្រស់ ប្រេងឆា ទឹកស៊ីអ៊ីវ ប្រេងខ្យង អំបិល ស្ករត្នោត ចូលក្នុងខ្ទឹមស និង រំដេងដែលចិញ្ច្រាំរួច។
៣. ប្រលាក់សាច់ជ្រូកដែលហាន់ជាបន្ទះស្ដើងៗ ក្នុងគ្រឿងដែលលាយរួច នៅពេលដែលមើលទៅចូលជាតិគួរសមហើយ បន្ថែមម្ស៉ៅឆាទៅសាច់ប្រឡាក់នោះ
៤. រក្សាទុកសាច់ជ្រូកដែលប្រឡាក់រួចនោះក្នុងប្រអប់បិទជិត ក្នុងទូរទឹកកកមួយយប់។
៥. ព្រឹកបន្ទាប់យកសាច់ជ្រូកដែលប្រឡាក់ហើយនោះ មកដោតចង្កាក់។
៦. ចំពោះសាច់ដែលនៅសល់អាចរក្សាទុកក្នុងទូរទឹកកកបានក្នុងរយះពេលយូរ អោយតែទុកក្នុងប្រអប់បិទជិតល្អ។
៧. អាំងសាច់ដែលដោតចង្កាក់រួចនេះនៅលើភ្លើងក្ដៅល្មម ហើយត្រលប់ពីម្ខាងទៅម្ខាងពី ១ ទៅ ២ នាទីម្ដង។