ចង់បានរាងស្លីមស្អាត ត្រូវដឹងពីគន្លឹះរត់ហាត់ប្រាណ ៤ យ៉ាងនេះ
- 2021-03-05 22:23:00
- ចំនួនមតិ 0 | ចំនួនចែករំលែក 0
ចង់បានរាងស្លីមស្អាត ត្រូវដឹងពីគន្លឹះរត់ហាត់ប្រាណ ៤ យ៉ាងនេះ
មិត្តនារីជាច្រើនមានទម្លាប់រត់ហាត់ប្រាណឬដើរហាត់ប្រាណនៅពេលព្រឹក និងពេលល្ងាចជាដើម។ ការទទួលទានរបបអាហារត្រឹមត្រូវ ការសម្រាកគ្រប់គ្រាន់ និងការធ្វើលំហាត់ប្រាណសុទ្ធតែអាចជួយឲ្យអ្នកសម្រកគីឡូបាន។ តែប្រសិនបើអ្នកចង់បានប្រសិទ្ធភាពល្អនៃការដើររត់ហាត់ប្រាណនៅពេលយប់ដើម្បីទទួលបានរាងស្រឡូននិងស្រកគីឡូនោះ មិត្តនារីគប្បីអនុវត្ត ៤ ចំណុចនេះរួមមាន៖
១. ចៀងវាងការរត់នៅពេលព្រឹកព្រលឹម
ម៉ោងដ៏ល្អសម្រាប់រត់ហាត់ប្រាណនោះគឺ ម៉ោង ៣ រសៀលទៅម៉ោង ៩យប់។ ពីព្រោះ ការរត់នៅពេលព្រឹកព្រលឹម មុខងារសរីរវិទ្យានៃប្រព័ន្ធសរសៃប្រសាទរបស់មនុស្សនិងសរីរាង្គផ្សេងៗមិនបានផ្តល់ផលល្អ ដូច្នេះវាប្រហែលជាមិនមានថាមពលគ្រប់គ្រាន់សម្រាប់ការធ្វើលំហាត់ប្រាណបែប Aerobic។ ហេតុដូចនេះហើយ អ្នកគប្បីធ្វើយូហ្គានៅពេលព្រឹកប្រសើរជាង។
២. រត់ចន្លោះម៉ោង ៧ ទៅ ៩ យប់
រយៈពេល ២ ម៉ោងគឺម៉ោង ៧ និង ៩ យប់ជាពេលដែលអ្នកមានថាមពលច្រើនសម្រាប់ធ្វើលំហាត់ប្រាណប្រចាំថ្ងៃទាក់ទងទៅនឹងការធ្វើលំហាត់ប្រាណប្រើកម្លាំងកាយ។ ហេតុដូចនេះហើយ ប្រសិនបើអ្នកចង់ស្រកគីឡូលឿននោះ អ្នកគួរតែទទួលទានអាហារពេលល្ងាចលឿនបន្តិច បន្ទាប់មកហាត់ប្រាណនៅចន្លោះម៉ោង ៧ ទៅ ៩ យប់។
៣. គួររត់ហាត់ប្រាណនៅក្រៅផ្ទះមានទេសភាពពណ៌ខៀវ
ការរត់ហាត់ប្រាណនៅក្នុងបន្ទប់ឬបរិវេណនៅក្នុងផ្ទះអាចធ្វើឲ្យអ្នកធុញថប់ព្រោះមិនមានទេសភាពព័ទ្ធជុំវិញ។ ដូច្នោះហើយ អ្នកគប្បីរត់ហាត់ប្រាណនៅជុំវិញផ្ទះ នៅតាមសួនច្បារក្បែរផ្ទះ ដើម្បីទទួលបានខ្យល់អាកាសបរិសុទ្ធនិងមានទេសភាពស្រស់ខៀវព័ទ្ធជុំវិញ។
៤. ចៀសវាងការរត់រយៈពេល ១ ម៉ោងមុននិងក្រោយអាហារពេលល្ងាច
បើទោះបីជាការរត់នៅពេលយប់វាប្រសើរក៏ពិតមែន តែអ្នកក៏ត្រូវចៀសវាងរត់មុននិងក្រោយពេលទទួលទានអាហារពេលល្ងាចរយៈពេល ១ ម៉ោង។ នោះក៏ព្រោះតែកម្រិតស្ករនៅក្នុងឈាមទាបមុនពេលទទួលទានអាហារ អាចនឹងមានប្រតិកម្មដូចជា វិលមុខ ទន់ដៃទន់ជើងជាដើម។ បន្ទាប់មកទៀត វាបន្តឲ្យមានការកាត់បន្ថយជាតិអាស៊ីតនៅក្នុងក្រពះ លើសពីនេះវាក៏ធ្វើឲ្យការរំលាយអាហារពុំមានដំណើរការល្អដែរ៕
រូបភាព៖ Pinterest
ចុចអានបន្ត៖
សុបិនអាក្រក់ ៦យ៉ាងដែលឲ្យហេតុមិនល្អ គួរប្រុងប្រយ័ត្នទាំងសុខភាពនិងលុយកាក់