ចង់បេះដូងដែកយ៉ាងណា ក៏បុរសនឹងទន់ចិត្តចំពោះមនុស្សស្រីនៅកាលៈទេសៈទាំង៣នេះ
- 2021-03-07 12:42:00
- ចំនួនមតិ 0 | ចំនួនចែករំលែក 0
ចង់បេះដូងដែកយ៉ាងណា ក៏បុរសនឹងទន់ចិត្តចំពោះមនុស្សស្រីនៅកាលៈទេសៈទាំង៣នេះ
ឲ្យតែមនុស្សស្រីចេះដាក់ខ្លួន ចូលស្ថានភាពរបស់មនុស្សប្រុស ទោះចិត្តរឹង ចិត្តត្រជាក់យ៉ាងណាក៏ប្រែទៅជាទន់ និងកក់ក្ដៅវិញដែរ។ ចំពោះកាលៈទេសៈទាំង៣ខាងក្រោមនេះគឺជាឱកាសដែលមនុស្សស្រីងាយយកបានមនោសញ្ចេតនារបស់មនុស្សប្រុសបំផុត។
១. កាលៈទេសៈដែលមនុស្សស្រីយល់បេះដូងមនុស្សប្រុស
ក្នុងរឿងមនោសញ្ចេតនា ការយល់ចិត្តគ្នាគឺជារឿងដែលសំខាន់បំផុត។ សម្រាប់មនុស្សប្រុស រកបានអ្នកដែលយល់ចិត្តគឺរឹតតែសំខាន់ ព្រោះធម្មជាតិមនុស្សប្រុសគឺពិបាកបើកចិត្តចំពោះអ្នកណាខ្លាំងណាស់។ មនុស្សប្រុសកើតមកគឺត្រូវមានអម្រែកទទួលខុសត្រូវច្រើនទៅហើយ ដូចនេះបើមានមនុស្សម្នាក់ធ្វើឲ្យគេបើកចិត្តបាន គេពិតជាត្រេកអរខ្លាំងណាស់។ ដូចនេះហើយ ដើម្បីយកបេះដូងគេបាន អ្នកត្រូវយល់ពីគេឲ្យបានច្រើន។
២. នៅពេលដែលអ្នកក្លាយជាខ្នងបង្អែករបស់គេ
គេថានៅខាងក្រោយរាល់បុរសដែលជោគជ័យ គឺជានារីម្នាក់ពិតជាមិនខុសឡើយ។ ត្បិតទោះរឹងមាំយ៉ាងណា ពូកែយ៉ាងណា ក៏មានពេលដែលមនុស្សប្រុសមានអារម្មណ៍ថាខ្លួនទន់ខ្សោយ និងត្រូវការខ្នងបង្អែកដែរ។ កាលៈទេសៈដែលអ្នកអាចធ្វើជាខ្នងបង្អែកផ្លូវចិត្តនេះហើយ ដែលងាយធ្វើឲ្យគេទន់ចិត្ត បាក់ស្រលាញ់យើងវិញលឿន។
៣. នៅពេលដែលខាងស្រីអាចនាំមុខ
ជាធម្មតា នៅក្នុងសកម្មភាពនានា វាជារឿងធម្មជាតិទៅហើយដែលមនុស្សប្រុសភាគច្រើន ជាអ្នកនាំមុខ។ តែបើយូរៗម្ដង មនុស្សស្រីអាចបង្ហាញពីគោលចំហររបស់ខ្លួនហើយ នាំមុខម្ដងនោះ។ សកម្មភាពនេះនឹងងាយទាក់ទាញចំណាប់អារម្មណ៍របស់គេខ្លាំងណាស់។ ជាក់ស្ដែង ជំនួសឲ្យការឲ្យគេរើសទីតាំងណាត់ជួបគ្នា យើងអាចជាអ្នកសម្រេចចិត្តរកកន្លែងថ្មីប្លែកម្ដង ដើម្បីផ្លាស់ប្ដូរបរិយាកាស។ ធ្វើបែបនេះងាយយកបានមនោសញ្ចេតនារបស់គេ ព្រោះបើឲ្យគេសម្រេចិត្តរហូត គេក៏អាចធុញនឹងយើងដែរ៕