មនុស្សដែលជួយឲ្យគ្រួសារថ្កុំថ្កើនសុទ្ធតែមានចរិតល្អទាំង៣នេះទាំងអស់
- 2021-03-05 03:00:00
- ចំនួនមតិ 0 | ចំនួនចែករំលែក 0
មនុស្សដែលជួយឲ្យគ្រួសារថ្កុំថ្កើនសុទ្ធតែមានចរិតល្អទាំង៣នេះទាំងអស់
ក្នុងនាមជាប្រពន្ធគ្រប់លក្ខណ៍ម្នាក់ បើចង់ឲ្យគ្រួសារងើបមុខ ងើបមាត់ក្នុងសង្គមមនុស្សស្រីគួរប្រកាន់ខ្ជាប់សកម្មភាពទាំងនេះ ព្រោះបើមានតែខាងប្ដីប្រឹងម្នាក់ឯង ឯខាងស្រីមិនជួយអ្វីនោះក៏មិនបានការដែរ។ គ្រួសារដែលមានជីវភាពថ្កុំថ្កើន គេសង្កេតឃើញថាប្រពន្ធតែងមានអត្តចរិតទាំង៣នេះ។
១. ចេះគិតវែងឆ្ងាយ មានគម្រោងច្បាស់លាស់
ប្រសិនបើប្រពន្ធមិនគិតពីគម្រោងរបស់គ្រួសារទៅថ្ងៃអនាគត តែគិតតែពីថា ល្ងាចនេះត្រូវក្លែមជាមួយអ្វី ហើយមួយសប្ដាហ៍ផឹក៧ថ្ងៃនោះ ទោះបីជាប្ដីប្រឹងទាល់តែត្រដរខ្យល់ទៀតក៏មិនអាចសល់ទ្រព្យដូចគ្រួសារដទៃបានឡើយ ព្រោះគេថា គ្រួសារមួយចង់សល់ទ្រព្យទាល់តែមានប្រពន្ធទុកដាក់ បើប្រពន្ធជួយតែបំផ្លាញ់ មានតែរលាយប៉ុណ្ណោះ។
២. មានភាពអត់ធ្មត់
បើមានជម្លោះតែបន្តិច ប្រពន្ធហារមាត់ឡើងជេរប្ដី និងឈ្លោះប្រកែកគ្នាផ្អើលភូមិនោះ ទោះបីជាប្ដីចង់ខំប្រឹងដើម្បីគ្រួសារក៏គ្មានកម្លាំងចិត្តដែរ។ ទោះបីជាដឹងថា នៅពេលជីវភាពខ្សត់ខ្សោយ ងាយធ្វើឲ្យប្ដីប្របន្ធមួម៉ៅដាក់គ្នាក៏ពិតមែន តែនេះក៏ជាពេលដើម្បីធ្វើការសាកល្បងលើចិត្តអត់ធ្មត់របស់ប្រពន្ធដូចគ្នា។ មានតែនៅក្បែរគ្នាក្នុងគ្រាក្រនោះទេ ទើបនៅពេលមានបាន ចេះឲ្យតម្លៃគ្នា។
៣. មានបេះដូងជាអ្នកម្ដាយ ចេះយោគយល់គ្នា
ជាមួយបេះដូងពោរពេញទៅដោយក្ដីស្រលាញ់ មនុស្សស្រីអាចធ្វើបានអ្វីគ្រប់យ៉ាងសម្រាប់គ្រួសាររបស់ខ្លួន ដូចជាស្រលាញ់ប្ដី និងប្រៀនប្រដៅកូនជាដើម។ មនុស្សស្រីបែបនេះនឹងទទួលបានក្ដីស្រលាញ់ពីគ្រប់មជ្ឈដ្ឋាន មិនថាគ្រួសារខ្លួនឯង ឬគ្រួសារខាងប្ដីឡើយ។ នៅក្នុងគ្រួសារមួយ បើមានប្រពន្ធបែបនេះ កូនក៏ដើរតាមគន្លងធម៌ ប្ដីក៏មានកម្លាំងចិត្តប្រឹងប្រែងដល់គ្រួសារ៕