បើគេជាបុរសល្អហើយ នៅតែចាកចេញ គប្បីអ្នកមើលចំណុចខ្វះខាតខ្លួនឯងទាំង ៤ នេះឡើងវិញ
- 2021-03-04 16:00:00
- ចំនួនមតិ 0 | ចំនួនចែករំលែក 0
បើគេជាបុរសល្អហើយ នៅតែចាកចេញ គប្បីអ្នកមើលចំណុចខ្វះខាតខ្លួនឯងទាំង ៤ នេះឡើងវិញ
គ្មានស្រីណាសប្បាយចិត្តពេលស្វាមី ឬសង្សារខ្លួនមានអ្នកថ្មីនោះឡើយ។ មនុស្សប្រុសខ្លះមានចរិកខិលខូចតាំងពីដើមមកវាជាបញ្ហាផ្សេង តែបុរសល្អខ្លះបែរជាសម្រេចចិត្តចាកចេញពីអ្នក ទៅរកស្រីផ្សេងដែរ អ្នកគួរបកមើលទៅខ្លួនឯងវិញ។ ទង្វើខ្លះដែលអ្នកធ្វើដាក់គាត់ ប្រៀបដូចជារុញច្រានទៅឆ្ងាយដោយមិនដឹងខ្លួន។ ៥ ចំណុចនេះ ស្រីៗគួរគិតឡើងវិញ បើមិនចង់ហួសពេល៖
១. ខ្វះភាពផ្អែមល្ហែមយល់ចិត្ត
មនុស្សស្រីមួយចំនួនទទួលបានក្ដីស្រលាញ់ពីប្ដី ឬសង្សារខ្លាំង ទើបមានអំនួតដោយមិនសូវចេះយល់ចិត្ត និងផ្អែមល្ហែមដាក់គាត់វិញឡើយ។ ដោយយល់ថាធ្វើដូច្នេះខ្លួនឯងមានប្រៀបជាង។ ទង្វើនេះហាក់ដូចជាការរុញច្រានឲ្យដៃគូអស់ក្ដីស្រលាញ់ដែលមានពីមុន ហើយមានអ្នកថ្មីផ្សេងជំនួសវិញ ព្រោះគេចេះផ្អែមល្ហែមជាង។
២. ប្រៀបធៀបប្ដីខ្លួនទៅប្រុសដទៃ
អ្នកខ្លះចូលចិត្តណាស់ប្រៀបធៀបអ្វីដែលខ្លួនមានទៅអ្នកដទៃ សូម្បីតែប្តី ឬសង្សារខ្លួន។ បើប្រៀបធៀបទៅន័យល្អមិនជាអ្វី តែមនុស្សស្រីមួយចំនួនចូលចិត្តសរសើរប្រុសដទៃនៅមុខដៃគូខ្លួនដែលធ្វើឲ្យគាត់បាក់ទឹកចិត្ត អន់ចិត្តខ្លាំងហើយឈានដល់ការចែកផ្លូវ។
៣. ប្រច័ណ្ឌច្រើនរអ៊ូរទាំរករឿង
ស្រីៗមួយចំនួនយល់ថាការប្រច័ណ្ឌ បញ្ជាក់ពីក្តីស្រលាញ់ទៅកាន់ដៃគូ។ តែការប្រច័ណ្ឌខឹងច្រើនលើសលប់ រអ៊ូរទាំ ត្អូញត្អែរច្រើនពេក ធ្វើឲ្យរំខានដល់សតិអារម្មណ៍បុរសជាខ្លាំង ដែលគេមិនអាចទ្រាំបានឈានទៅរកការចែកផ្លូវ។
៤. ឃាត់ឃាំងហួសកម្រិត
មនុស្សស្រីខ្លះចូលចិត្តមានសេរីភាពធ្វើអ្វីដែលខ្លួនចង់ធ្វើ តែមិនចូលចិត្តឲ្យដៃគូ ចេញក្រៅជួបមិត្តភក្តិ ឬធ្វើអ្វីដែលគេចង់ធ្វើ។ ចរិតហួងហែងដូចកូនក្មេងនេះហើយ ធ្វើឲ្យមនុស្សប្រុសធុញថប់ហើយស្របពេលមានអ្នកថ្មីគេល្អជាង ក៏បែកចិត្តរកអ្នកថ្មីនោះតែម្ដងទៅ៕
ចុចអាន៖មនុស្សស្រីល្អ គេមិនខ្វល់ពីកាដូប្រេនៗទេ របស់សាមញ្ញ ៦ យ៉ាងនេះក៏បាន