កំពូលតារាស្រីកូរ៉េបង្ហើបគន្លឹះថែស្បែកឲ្យស ផ្ទាល់ខ្លួនងាយៗ អាចធ្វើតាមបាន

2021-03-03 23:00:00
ចំនួនមតិ 0 | ចំនួនចែករំលែក 0

ដូចគ្នានឹងសិល្បការិនីផ្សេងៗនៅក្នុងទ្វីបអាស៊ីដែរ វិស័យសិល្បៈកូរ៉េ ក៏និយមស្បែកសម៉ដ្ឋរលោងដូចគ្នា។ ដើម្បីទទួលបានស្បែកស្អាតឥតខ្ចោះបែបនេះ ស្រីស្អាតកូរ៉េសុទ្ធតែមានតិចនិករៀងខ្លួន។ ខាងក្រោមនេះគឺជាវិធីសាស្ត្រជួយឲ្យស្បែកសរបស់តារាកូរ៉េផ្សេងៗ។

១. Yoona

បណ្ដាញព័ត៌មាន Sina បានឲ្យដឹងថា ស្រីស្អាតមកពីផលិតកម្ម SM ចូលចិត្តផាត់មុខស្រាលៗដើម្បីមើលទៅក្មេងជាងវ័យ។ ដើម្បីរក្សាស្បែកឲ្យសស្អាត ស្រីស្អាត៣១ឆ្នាំលាបឡេរក្សាសំណើម និងព្យាយាមផាត់មុខតិចតួចបំផុត។ បើមិនមានកម្មវិធីធំទេ នៅពេលចេញក្រៅ នាងលាបតែឡេការពារកម្ដៅថ្ងៃ ម៉ាស្ការ៉ា និងក្រែមរលោងតែប៉ុណ្ណោះ។

២. IU

តិចនិកដើម្បីតួឯករឿង Hotel Del Luna មានស្បែកមុខដូចកូនក្មេងនោះគឺ ទឹកអង្ករ។ ក្រោយពេលលាងអង្កររួច នាងនឹងយកទឹកលាងអង្ករទី៣មកទុកលុបមុខជារៀងរាល់ថ្ងៃដើម្បីរក្សាសំណើម និងធ្វើឲ្យស្បែកសស្អាត។

៣. Seolhyun

ដោយសារតែកើតមកមិនមានស្បែកសស្រាប់ ស្រីស្អាតក្រុមចម្រៀង AOA ត្រូវព្យាយាមរក្សាស្បែកឲ្យភ្លឺដោយការលាបក្រែមផ្ដល់សំណើមឲ្យបានច្រើនជាងអ្នកដទៃ។ ទោះបីជាវាមិនជួយឲ្យសភ្លាមៗមែនពិត តែនឹងធ្វើឲ្យស្បែកមានពណ៌ស្មើគ្នា។

៤. Park Bo Young

ដើម្បីមានរូបសម្រស់ដូចយុវវ័យទាំងមានវ័យ ៣១ឆ្នាំហើយនោះ តារាសម្ដែងស្រី Park Bo Young បានបង្ហើបថា នាងញ៉ាំផ្លែប៉ោមមួយផ្លែជារៀងរាល់ថ្ងៃ។ នាងបង្ហើបថា ក្រៅពីជួយឲ្យស្បែកក្មេងជាងវ័យ ផ្លែប៉ោមក៏ជួយឲ្យស្បែកនាងតឹងណែន និងសភ្លឺផងដែរ៕

ប្រភព៖ news.zing.vn ប្រែសម្រួល៖ Caramel