ហត់នឿយមកយូរហើយ ចង់ដឹងថ្ងៃខាងមុខអ្នកជួបក្តីសុខកម្រិតណា សាករើសកាបូបមួយ
- 2021-03-03 02:05:00
- ចំនួនមតិ 0 | ចំនួនចែករំលែក 0
ហត់នឿយមកយូរហើយ ចង់ដឹងថ្ងៃខាងមុខអ្នកជួបក្តីសុខកម្រិតណា សាករើសកាបូបមួយ
អ្នកណាក៏ចង់ដឹងថា តើពេលខាងមុខ ខ្លួននឹងអាចមានក្តីសុខកម្រិតណា បន្ទាប់ពីឆ្លងកាត់ការនឿយហត់យូរយ៉ាងនេះ។ ឥលូវ អ្នកអាចដឹងបាន តាមរយៈការទស្សន៍ទាយបែបចិត្តសាស្រ្ត ដោយការរើសកាបូបមួយ ក្នុងចំណោមកាបូបខាងក្រោម រួចផ្ទៀងចម្លើយទាំងអស់គ្នា៖
១. បើអ្នកជ្រើសយក A
ថ្ងៃខាងមុខ អ្នកអាចមានក្ដីសុខ ៩០%។ អ្នកជាមនុស្សចិត្តសណ្តោសដាក់អ្នករាល់គ្នា។ ជីវិតនាពេលអនាគតរបស់អ្នក ពិតជាពោរពេញដោយភាពរីករាយណាស់។ នៅពេលអ្នកមានកូន ពួកគេចេះដឹងគុណ និងស្រលាញ់ឪពុកម្ដាយខ្លាំងថែមទៀត។ ងាកមកនិយាយពីពេលអ្នកឈានចូលដល់វ័យកណ្ដាលវិញ អ្នកមិនត្រូវភ្លេចគិតគូពីសុខភាពរាងកាយទេ ។ ម្ល៉ោះហើយ គួរប្រើពេលវេលាលំហែចិត្តខ្លះដើម្បីសម្រាក ឲ្យជីវិតនេះបានរីករាយដល់ទីបញ្ចប់។
២. បើអ្នកជ្រើសយក B
អ្នកជាមនុស្សមានទំនួលខុសត្រូវលើការងារ និងមានជំនាញខ្ពស់តែម្ដង។ ហេតុនេះ ទោះដល់អាយុចូលនិវត្ត ក៏អ្នកនៅតែប្រឹងធ្វើការ ឬរកស៊ីបន្ថែមដោយមិនសម្រាក។ នោះមិនមែនមកពីស្ថានភាពក្រីក្រទេ តែមកពីអ្នកចង់រកលុយឲ្យបានច្រើន ព្រោះអ្នកមានទស្សនៈវិស័យដូចអ្នកជោគជ័យល្បីៗថា គ្រប់វិនាទី សុទ្ធតែអាចផលិតលុយបាន។ ម្យ៉ាងទៀតអាចថា មកពីទម្លាប់ពីកំណើតរបស់អ្នក ដែលធ្លាប់ជួបការលំបាកពីមុនមក ទើបអ្នកប្រឹងប្រែងបែបនេះ។ ដូចនេះ នាពេលអនាគត ក្ដីសុខដែលអ្នកមានចំពោះខ្លួនឯងប្រហែល ៧០% ហើយអ្នកចូលចិត្តធ្វើឲ្យខ្លួនឯងរវល់ និងមិនសូវមានពេលសម្រាប់ផ្ទាល់ខ្លួនឡើយ។
៣. បើអ្នកជ្រើសយក C
កាលពីនៅវ័យជំទង់ អ្នកប្រឹងធ្វើគ្រប់យ៉ាងដើម្បីសម្រេចក្តីប្រាថ្នារបស់ខ្លួន។ ខ្សែជីវិតកន្លងមក ហាក់ពេញដោយក្រោមសម្ពាធ តែអ្នកជាមនុស្សមានទំនួលខុសត្រូវ។ អ្នកអាចកាត់បន្ថយឧបសគ្គទាំងអស់នេះបាន បើអ្នកចេះផ្លាស់ប្ដូរដោយការលះបង់ក្ដីប្រាថ្នាទាំងនោះចោល។ យ៉ាងណាមិញ សូមកុំអស់សង្ឃឹមអី ព្រោះមិនយូរទេក្ដីប្រាថ្នាដែលអ្នកប៉ងជាយូរនោះនឹងវិលត្រលប់មករក ម្ល៉ោះហើយនាពេលអនាគត អ្នកអាចជួបក្ដីសុខ ៨០%។ បន្ទាប់មក អ្នកផ្ដោតលើក្ដីស្រមៃរបស់ខ្លួន និងអាចសម្រេចវាបានទាំងអស់។
៤. បើអ្នកជ្រើសយក D
នាពេលអនាគត ជីវិតអ្នកពេញដោយក្តីសុខ១០០% អ្នកទទួលបានជោគជ័យគ្រប់យ៉ាង ទាំងកេរ្តិ៍ឈ្មោះ សុខភាព ផ្ទះសម្បែង កូនចៅ។ នេះដោយសារកាលពីនៅក្មេង អ្នកធ្លាប់រងការឈឺចាប់ សម្លុតធ្វើបាប ដកហូតយកផលប្រយោជន៍នូវរឿងជាច្រើនពីអ្នក រហូតមកដល់សព្វថ្ងៃ។ ដូច្នេះ ការលំបាកទាំងនោះនឹងត្រូវសាបសូន្យ ហើយសងមកអ្នកវិញនៅពេលចូលដល់វ័យកណ្ដាល។ សុភមង្គលនឹងចូលមកជីវិតអ្នកសព្វបែបយ៉ាង ដូចនេះសូមឈរឲ្យបានរឹងមាំដើម្បីជីវិតមួយនេះ៕
អានបន្ត៖ ហេតុផលដែលអ្នកមិនគួរខ្វល់ជ្រុល លើសម្តីអត់ប្រយោជន៍របស់មនុស្សមួយចំនួន