ធ្លាយព័ត៌មាន Angelababy ដើរលេងជាមួយ Deng Lun ថ្ងៃ Valentine ខណៈកំពុងលេចរឿងរកាំរកូសជាមួយប្ដី

2021-02-23 02:35:00
ចំនួនមតិ 0 | ចំនួនចែករំលែក 0

បច្ចុប្បន្ន ទស្សនិកជនជាច្រើនកំពុងមានចម្ងល់ថាតើ ទំនាក់ទំនងរវាងកំពូលតារាសម្ដែងស្រីចិន Angelababy និង តារាសម្ដែងប្រុសជួរមុខ Deng Lun ជាអ្វីឲ្យពិតប្រាកដ។

មុននេះបន្តិច បណ្ដាញព័ត៌មាន CZ បានរាយការណ៍ថា អ្នកគាំទ្រម្នាក់បានប្រទះឃើញ តារាសម្ដែងស្រីលំដាប់ A ចិន Angelababy ទៅលំហែកាយនៅកោះ Sanya ប៉ុន្តែអ្វីដែលធ្វើឲ្យគេចាប់អារម្មណ៍នោះគឺ អ្នកគាំទ្ររូបនេះបានបង្ហើបថា នៅក្នុងដំណើរកម្សាន្តនេះ គឺរួមមានតារាប្រុសជួរមុខដែលគេស្គាល់គ្រប់គ្នាម្នាក់ទៀត។

នៅពេលជីកកកាយឡើងវិញ កាលពីថ្ងៃទី ១២ ខែកុម្ភៈ គេបានដឹងថា តារាសម្ដែងប្រុស Deng Lun មានជើងយន្តហោះចេញទៅកោះ Sanya ដូចគ្នា។ ដល់ថ្ងៃទី ១៤ កុម្ភៈ ដែលជាថ្ងៃបុណ្យនៃក្ដីស្រលាញ់ ក្រុមការងាររបស់ប្រុសស្អាតនេះ បានបង្ហោះរូបពួកគេទៅជិះក្ដារលើសមុទ្រ។ នៅថ្ងៃដដែល ប្រពន្ធរបស់ Huang Xiaoming ក៏ត្រូវបានប្រទះឃើញនៅលើឆ្នេរនោះដែរ។

ដោយសារតែព័ត៌មាននេះ មនុស្សជាច្រើនបានសង្ស័យថា ស្រីស្អាត ៣១ឆ្នាំ បានចាប់ផ្ដើមស្នេហាជាមួយ តួរឿង Yin Yang ទោះបីជាខ្លួនមានប្ដី និងកូនមួយគ្រាប់ហើយក៏ដោយ។ មុននោះដែរ ព័ត៌មានប្ដីប្រពន្ធតារាជួរមុខនេះ រកាំរកូសបានផ្ទុះឡើង ក្រោយពេលនាងប្ដូរសារនៅលើបណ្ដាញសង្គមរបស់ខ្លួនពីប្រពន្ធរបស់ Huang Xiaoming ទៅជាម្ដាយរបស់ Little Sponge វិញ ដែលធ្វើឲ្យគេសង្ស័យថា អ្នកទាំង២បែកគ្នាពិតមែនហើយ៕

ប្រភព៖ Kenh14 ប្រែសម្រួល៖ Caramel