មានអារម្មណ៍ថាជីវិតហាក់ជាប់គាំងដែរអត់? រើសកាតមួយ ដើម្បីជាសារលើកទឹកចិត្តអ្នកឲ្យជោគជ័យឡើងវិញ

2021-02-22 07:39:50
ចំនួនមតិ 0 | ចំនួនចែករំលែក 0

បើពេលនេះ អ្នកមានអារម្មណ៍ថាជីវិតហាក់ដូចជាប់គាំង ពិបាករើខ្លួន អ្នកគួររើសកាតមួយ ដើម្បីទទួលបានសារក្រឿនរំលឹកមួយ ឲ្យជីវិតបានល្អប្រសើរឡើងវិញ។

កាតទី១

កាតនេះចង់ក្រើនរំលឹកអ្នកថា ជីវិតគឺតែងមានក្រលុក ក្រលាក់អ៊ីចឹងហើយ។ ថ្វីបើពេលខ្លះ វាមិនសូវស្របតាមអ្វីដែលអ្នកចង់បាន តែគ្រប់យ៉ាងវានឹងអាចកើតឡើងនៅពេលវេលាសមរម្យណាមួយ។

ដូច្នេះហើយ សូមបំពេញវាដោយក្តីស្រលាញ់ មានការជឿជាក់ និងចេះជម្រុញទឹកចិត្ត នោះអ្វីៗនឹងល្អឡើងវិញ។ ត្រូវចាំថា ទោះជាជួបរឿងមិនល្អក៏ដោយ ក៏មិនត្រូវបញ្ចប់ការខំប្រឹងត្រឹមនេះដែរ។

កាតទី២

មនុស្សច្រើនណាស់ដែលមិនហ៊ានបំពេញក្តីស្រមៃ ឬគម្រោងរបស់ពួកគេឲ្យក្លាយជាការពិត ព្រោះពួកគេយល់ថា ខ្លួនមិនទាន់រួចរាល់ ឬគិតថាមិនទាន់ដល់ពេល។

កាតនេះចង់ប្រាប់អ្នកថា ឥលូវនេះគឺជាពេលវេលាដែលត្រូវចាប់ផ្តើមគ្រប់អ្វីៗហើយ។ វាមិនទាន់យឺតពេលទេ ដើម្បីកសាងក្តីសុបិន ឬផ្លាស់ប្តូរទិសដៅជីវិត។ ពេលវេលា គឺជាញាតិ យុវភាពគឺជាចិត្តដែលមានស្ថេរភាព ហេតុនេះ អ្នកត្រូវហ្វឹកហាត់ចិត្តគំនិឲ្យចេះយល់រាក់ជ្រៅគ្រប់ស្ថានការណ៍ ដើម្បីបង្កើតលទ្ធផលដ៏អស្ចារ្យ។ ក្រោកឈរឡើង ហើយទទួលស្គាល់ថាល្មមដល់ពេលផ្តល់ឲ្យជីវិតនេះលូតលាស់ទៅមុខហើយ វាសនាស្ថិតនៅក្នុងកណ្តាប់ដៃរបស់អ្នក។

កាតទី៣

អ្នកត្រូវយល់ថា ជីវិតប្រៀបដូចការរៀននៅសាលាដូច្នោះដែរ។ ពេលខ្លះ វាបានបង្រៀនយើងឲ្យចេះរៀបចំអត្តចរិតរបស់យើងថែមទៀតផង។

គ្រប់ហេតុការណ៍ដែលបានកើតឡើងក្នុងជីវិត សុទ្ធតែមានហេតុផល។ ដូច្នេះ ព្យាយាមស្វែងយល់និងរៀនពីមេរៀនដែលជីវិតនេះផ្តល់ឲ្យអ្នក ព្រមទាំងត្រូវមានជំនឿចិត្តថាគ្រប់យ៉ាងនឹងដំណើរការដូចអ្វីដែលអ្នកប៉ង ហើយត្រូវរក្សាចិត្តធ្វើវាដោយក្តីស្រលាញ់និងការបេ្តជ្ញាចិត្ត។

ថ្វើបើពេលនេះ អ្នកមិនទាន់យល់ពីវាច្បាស់នៅឡើយ តែពេលដែលអ្នកងាកក្រោយក្រឡេកមើលអតីតកាល អ្នកនឹងកត់សម្គាល់ថារាល់ស្ថានការណ៍នីមួយៗ សុទ្ធតែមានហេតុនិងផលរបស់វា។ ដូច្នេះ បើគោលដៅរបស់អ្នកមិនទាន់មកដល់ទេ ត្រូវបន្តធ្វើវាទៀត៕