៤ វិធីសាស្ត្រធ្វើឲ្យអ្នកលេចធ្លោជាងមនុស្សស្រីដទៃ ងាយឆក់បានបេះដូង crush

2021-02-22 08:50:00
ចំនួនមតិ 0 | ចំនួនចែករំលែក 0

បើអ្នកមិនធ្វើអ្វីសោះ ហើយធៀបនឹងមនុស្សស្រីដទៃក៏គ្មានអ្វីលេចធ្លោនោះ កុំឆ្ងល់ថាហេតុអ្វី crush នៅតែគ្មានមនោសញ្ចេតនាលើអ្នក។ ខាងក្រោមនេះគឺជា ៤សកម្មភាពដែលងាយធ្វើឲ្យមនុស្សប្រុសចាប់ចិត្តលើមនុស្សស្រីបំផុត។

១. ញញឹមស្រស់

ទោះបីជាដឹងថា អ្នកណាក៏អាចញញឹមបាន តែអ្នកត្រូវចាំថា ស្នាមញញឹមរបស់មនុស្សគ្រប់រូបមិនដូចគ្នាឡើយ។ ពួកយើងកំពុងរស់នៅក្នុងសង្គមមួយដែលឆាប់រហ័ស និងនឿយហត់ ដូចនេះពេលខ្លះ គ្រាន់តែស្នាមញញឹមមួយ ក៏អាចធ្វើឲ្យមនុស្សម្នាក់កក់ក្ដៅដែរ។ ឈប់ធ្វើមុខក្រម៉ូវ ហើយត្រូវឧស្សាហ៍ញញឺមឲ្យបានច្រើន ជាពិសេសពេលដែលនៅក្បែរមនុស្សដែលអ្នកស្រលាញ់ ដើម្បីឲ្យគេដឹងពីភាពទាក់ទាញរបស់អ្នក។

២. យកចិត្តទុកដាក់ស្ដាប់

ពេលខ្លះ យើងចង់ចែករំលែកតែរឿងរបស់យើង រហូតដល់ភ្លេចថា គេក៏មានតម្រូវការដើម្បីបន្ធូរអារម្មណ៍ដូចគ្នា។ ដូចនេះហើយ ជានិច្ចកាល អ្នកអាចសាកសួរគេថា តើគេមានអ្វីនៅក្នុងចិត្តចង់និយាយចេញមក ឬអត់។ ព្រោះទាល់តែយើងបើកចិត្តមុនសិន ទើបគេហ៊ានបញ្ចេញរឿងក្នុងចិត្តមក។

៣. ស្លៀកពាក់ស្អាតបាត

ទោះបីជាភាពស្អាតមិនមែនជាចំណុចសំខាន់បំផុតនៅក្នុងរឿងស្នេហាក៏ដោយ តែវាក៏មានតួនាទីមិនតូចឡើយ។ មុនពេលឈានដល់ការស្វែងយល់ពីអត្តចរិតគ្នា គេក៏ត្រូវសង្កេតឃើញថា រូបសម្បត្តិយើងសមរម្យ ឬអត់។ ទោះមិនស្អាតឥតខ្ចោះក្ដី តែឲ្យតែអ្នកចេញក្រៅ ស្លៀកពាក់សមរម្យ ក៏មើលទៅទាក់ទាញបាត់ទៅហើយ។

៤. ចេះធ្វើម្ហូប

នៅសម័យដែលគ្រាន់តែចុចទូរសព្ទបន្តិច ម្ហូបអាហារក៏មកដល់នោះ មនុស្សស្រីដែលចេះធ្វើម្ហូប នឹងលេចធ្លោជាងអ្នកណាៗទាំងអស់។ អ្នកមិនចាំបាច់ពូកែដល់ថ្នាក់ Master Chef នោះឡើយ តែកុំដល់ថ្នាក់ម្ហូបមួយមុខក៏មិនចេះធ្វើគឺមិនអាចទទួលយកបាននោះទេ។ គ្រាន់តែស្រមៃថា បាយថ្ងៃត្រង់ធ្វើដោយដៃអ្នកផ្ទាល់គឺពិសេសជាងបាយប្រអប់ដ៏កម្រិតណា៕

ប្រភព៖ Phunutoday ប្រែសម្រួល៖ Caramel