អ្នកគាំទ្រ Karry Wang ច្រួលច្របល់ ដោយសារសង្ស័យលោកមានទំនាក់ទំនងជាមួយជំនួយការ
- 2021-02-18 03:30:00
- ចំនួនមតិ 0 | ចំនួនចែករំលែក 0
អ្នកគាំទ្រ Karry Wang ច្រួលច្របល់ ដោយសារសង្ស័យលោកមានទំនាក់ទំនងជាមួយជំនួយការ
សកម្មភាពលង់នឹង Idol ខ្លាំងពេករបស់អ្នកគាំទ្រតារាចម្រៀងប្រុសចិន Karry Wang បានធ្វើឲ្យមនុស្សជាច្រើនភ័យខ្លាចជាខ្លាំង។
មុននេះបន្តិច បណ្ដាញព័ត៌មាន QQ បានធ្វើឲ្យមនុស្សជាច្រើនភ្ញាក់ផ្អើល នៅពេលប្រភពមួយនេះបានរាយការណ៍ថា អ្នកគាំទ្ររបស់តារាចម្រៀងម្នាក់ចង់បញ្ចប់ជីវិតខ្លួនឯង ក្រោយដឹងថាលោកមានទំនាក់ទំនងស្នេហា។ ជាក់ស្ដែង អ្នកគាំទ្ររបស់តារាចម្រៀងជួរមុខ Karry Wang បានគម្រាមថានឹងបញ្ចប់ជីវិតខ្លួនឯង ប្រសិនបើ ប្រុសស្អាតរូបនេះ មិនផ្លាស់ប្ដូរជំនួយការនោះទេ។ នៅលើបណ្ដាញសង្គម នារីរូបនេះបានសរសេរធ្វើឲ្យគេភ័យខ្លាចថា៖ ត្រៀមខ្លួនសរសេរបណ្ដាំចុងក្រោយ សង្ឃឹមថានឹងបានប្រើឆាប់ៗនេះ។ ជាតិក្រោយនៅតែជាអ្នកគាំទ្ររបស់អ្នក។
តាមនោះដែរ ជំនួយការរបស់សមាជិកក្រុមចម្រៀង TFBOYS ឈ្មោះ Yang Liu មានទំនាក់ទំនងស្រពិចស្រពិលនឹងកំពូលតារាមួយនេះ ថែមទាំងមានពាក្យចចាមអារ៉ាមអ្នកទាំង២ស្រលាញ់គ្នាទៀតផង។ ទោះបីជាផលិតកម្មរបស់លោកបានចេញមុខបដិសេធហើយក្ដី តែអ្នកគាំទ្ររបស់លោកចង់ឲ្យប្រុសស្អាត ២២ឆ្នាំនេះ ប្ដូរនាងចេញតែម្ដង។
ជីកកកាយរូបភាពចាស់វិញ គេសង្កេតឃើញថា ខុសពីជំនួយការដទៃ ដែលនៅពេលចូលរួមកម្មវិធីធំ នឹងអង្គុយចាំតារារបស់ខ្លួននៅក្រោយឆាកនោះ Yang Liu តែងតែអង្គុយជិត Karry Wang ជានិច្ចដែលធ្វើឲ្យគេមិនសង្ស័យមិនបាន៕