ប្រឹងសម្រកគីឡូសល់តែ ៣៨គីឡូ មុខ Ju Jing Yi ស្គមឡើងផតចូលក្នុង
- 2021-02-17 03:00:00
- ចំនួនមតិ 0 | ចំនួនចែករំលែក 0
ប្រឹងសម្រកគីឡូសល់តែ ៣៨គីឡូ មុខ Ju Jing Yi ស្គមឡើងផតចូលក្នុង
ទោះបីជាបានឆ្លងកាត់ការវះកាត់កែសម្ផស្សហើយក្ដី តែដោយសារតែព្យាយាមសម្រកគីឡូជ្រុល បានធ្វើឲ្យទម្រង់មុខរបស់តារាសម្ដែងស្រីកំពុងឡើងកូដ Ju Jing Yi ប្រែទៅជាផត ចាស់ជាងវ័យ។
២ឆ្នាំកន្លងមកនេះ តារាចម្រៀង និងសម្ដែងស្រីវ័យក្មេងចិន Ju Jing Yi បានក្លាយទៅជារាជិនីរឿងអាស្រូវថ្មីក្នុងវិស័យសិល្បៈ។ ពោល ទោះបីជាសមត្ថភាពនៅមានកម្រិត តែរូបសម្បត្តិ និងអត្តចរិតរបស់នាងនៅតែជារឿងធ្វើឲ្យគេចាប់អារម្មណ៍មិនចប់។
ជាក់ស្ដែង ទោះបីជាបានបែកធ្លាយរូបភាព មុខមាត់ខុសពីមុនស្ទើរទាំងស្រុងក៏ដោយ តែស្រីស្អាតរូបនេះនៅតែមិនទទួលស្គាល់ថាខ្លួនបានឆ្លងកាត់មុខកាំបិតនោះទេ។ បន្ថែមពីនេះ អត្តចរិតតួឯក ដែលទៅណាមកណា ត្រូវការគេបាំងឆ័ត្រ៤ ៥នាក់ បានធ្វើឲ្យតារារូបនេះ ត្រូវគេរិះគន់ថា ធ្វើឫកពារជាងតារាលំដាប់ A ទៅទៀត។
ថ្មីៗនេះ ស្រីស្អាត ២៦ឆ្នាំ បានក្លាយជាទីចាប់អារម្មណ៍ថ្មី ដោយសារតែទម្ងន់របស់ខ្លួន។ ជាក់ស្ដែង តួរៀងពស់ស ពស់ខៀវថ្មី រក្សាទម្ងន់ខ្លួនឲ្យត្រឹមតែ៣៨.៥គីឡូ។ យ៉ាងណាក្ដី ដោយសារតែទម្ងន់ស្គមខ្លាំងបែបនេះ គេសង្កតឃើញថា នៅពេលនេះ មុខនាងនៅសល់តែឆ្អឹង ហើយផតចូលក្នុងគួរឲ្យព្រួយបារម្ភ៕