អាយុ ៤០គត់ តែសម្រស់ Kim Tae Hee ប្រពន្ធ Rain ឡើងខ្ញង់ទោះកូន២ហើយក៏ដោយ
- 2021-02-10 06:36:00
- ចំនួនមតិ 0 | ចំនួនចែករំលែក 0
អាយុ ៤០គត់ តែសម្រស់ Kim Tae Hee ប្រពន្ធ Rain ឡើងខ្ញង់ទោះកូន២ហើយក៏ដោយ
កម្រងរូបភាពថ្មីរបស់កំពូលតារាសម្ដែងស្រីកូរ៉េ Kim Tae Hee លាន់មាត់ថា ស្រីស្អាតរូបនេះមិនចេះចាស់ទាល់តែសោះ ទោះមានប្ដី មានកូនហើយក៏ដោយ។
មុននេះបន្តិច តារាសម្ដែងស្រីចាស់វស្សាកូរ៉េ Kim Tae Hee បានបង្ហោះកម្រងរូបភាពថ្មីនៅលើបណ្ដាញសង្គមរបស់ខ្លួន។ ខុសពីសព្វមួយដងដែលស្រីស្អាតនេះ តែងនិយមស្ទីលបែបផ្អែមល្ហែម និងទន់ភ្លន់នោះ។ នៅក្នុងរូបថ្មីទាំងនេះ ស្រីស្អាត ៤០ឆ្នាំ លេងឈុតខ្មៅពីក្បាលដល់ជើង មើលទៅពិតជាឡូយប្លែកខុសពីសព្វមួយដង។
តាមនោះដែរ រូបភាពទាំងនេះត្រូវបានកាត់ចេញពីស្ប៉តពាណិជ្ជកម្មថ្មីរបស់អ្នកម្ដាយកូន២។ ខុសពីតារាស្រីផ្សេងៗ ដែលក្រោយមានប្ដី និងកូនតែងធ្លាក់ប្រជាប្រិយភាពនោះ តួរឿង Iris នៅតែឈរលើលំដាប់កំពូលដដែរ។ ប្រពន្ធរបស់តារាចម្រៀង Rain ទោះបានសម្រាលកូន២នាក់ហើយក្ដី តែរាងរូវ និងសម្រស់គឺនៅតែខ្ញង់ដដែរ។ កម្រងរូបភាពថ្មីនេះ បានធ្វើឲ្យទស្សនិកជននឹកឃើញពេលតារាលំដាប់ A នេះសម្ដែងនៅក្នុងរឿង Yong Pal ហើយពួកគេចង់ឃើញនាងក្នុងគម្រោងរឿងថ្មីឆាប់ៗ៕