ថ្ងៃណាត់ជួបដំបូង បើបុរសធ្វើរឿង ៤ យ៉ាងនេះ គួរតែឈប់ទំនាក់ទំនងគ្នាទៅ

2021-01-27 14:00:00
ចំនួនមតិ 0 | ចំនួនចែករំលែក 0

នារីខ្លះបានស្គាល់បុរសតាមបណ្ដាញសង្គម និងបានណាត់ជួបមុខគ្នាដើម្បីចង់ដឹងពីអត្តចរិតគេខាងក្រៅថាជាមនុស្សយ៉ាងម៉េច។ ប្រសិនបើបុរសម្នាក់នោះមានសញ្ញាទាំង ៤ យ៉ាងនេះ បញ្ជាក់ថាអ្នកណាត់ខុសមនុស្សហើយ។

១.មិនយកចិត្តទុកដាក់ស្ដាប់អ្នកនិយាយ

តើអ្នកគួរបន្តទំនាក់ទំនងឲ្យក្លាយទៅជាស្នេហាជាមួយបុរសមិនយកចិត្តទុកដាក់ស្ដាប់ សូម្បីតែនេះគឺជាថ្ងៃណាត់គ្នាជួបមុខគ្នាដំបូងនោះ។ គេនឹងគិតតែពីចុចទូរសព្ទ ឬមិនមើលមកមុខអ្នក តែបែរជាមើលទៅអ្វីផ្សេងនោះ ជាសញ្ញាបញ្ជាក់ថាអ្នកណាត់ខុសមនុស្សហើយ។

រូបតំណាង

**២.គំនិតផ្ទុយគ្នា**

ស្រីៗមិនមែនចង់ឲ្យគេយល់ស្របគ្រប់ពេលវេលា តែបើណាត់គ្នាជាមួយបុរសម្នាក់ដែលសម្លឹងមើលគ្នាជាសង្សារ។ តែបែរជានិយាយប្រឆាំងនឹងគំនិតអ្នកជានិច្ច តើអាចបន្តទៅមុខរួចដែរទេ។ ទង្វើរបស់គេបែបនេះបង្ហាញថាអ្នកទាំងពីរមានបុគ្គលិកលក្ខណៈ និងចិត្តគំនិតខុសគ្នាស្រលះ។

៣.គ្មានគំនិតវិជ្ជមាន

អ្នករកឃើញចំណុចមួយ ដែលដៃគូអ្នកមិនចាប់អារម្មណ៍គិតគូរពីរឿងល្អៗទេ តែបែរជាគិតតែរឿងអាក្រក់ៗទៅវិញ។ ករណីនេះតែគួរសម្រេចចិត្តបញ្ចប់ទំនាក់ទំនងទើបជាវិធីល្អបំផុត។

៤.កែវភ្នែកបង្ហាញពីភាពគ្មានទំនុកចិត្ត

កែវភ្នែកគឺអាចបញ្ជាក់ពីបានពីអត្តចរិតមនុស្សម្នាក់ៗបាន។ តែបើពេលជួបគ្នានោះ កែវភ្នែកគេមិនហ៊ានសម្លឹងឲ្យចំអ្នក និងរេចុះឡើងបញ្ជាក់បានថា គេជាមនុស្សមិនគួរឲ្យទុកចិត្តឡើយ៕